ဝါရင့်ကွင်းလယ်လူ ကီဗင်ဒီဘရိုင်းက ပြည့်ကျပ်နေတဲ့ ပွဲစဉ်ဇယားရေးဆွဲမှုအတွက် ဖီဖာနဲ့ ယူအီးအက်ဖ်အေကို ပြစ်တင်ဝေဖန်သွားခဲ့ပါတယ်။
ချန်ပီယံလိဂ်၊ ယူရိုပါလိဂ်နဲ့ ကွန်းဖရန့်လိဂ်ပြိုင်ပွဲတွေကို ဒီနှစ်မှာ အသင်းနဲ့ ပွဲစဉ်အရေအတွက် တိုးမြှင့်ထားတာကြောင့် ဒီဘရိုင်းက ဒီပြိုင်ပွဲတွေဟာ ပြဿနာတွေ ဖြစ်လာစေနိုင်တယ်လို့ ပြောခဲ့ပါတယ်။
အလားတူ ၂၀၂၅ခုနှစ်မှာ ပြုလုပ်မယ့် ကလပ်ကမ္ဘာ့ဖလားကလည်း အလုံးစုံ အပြောင်းအလဲလုပ်ထားခဲ့ပါတယ်။
ကလပ်ကမ္ဘာ့ဖလားဟာ ယခုအချိန်မှာတော့ ၃၂သင်းပါဝင်မှာဖြစ်ပြီး ဇွန်လ ၁၅ရက်နေ့ကနေ ဇူလိုင်လ ၁၃ရက်နေ့အထိ ကစားမှာဖြစ်လို့ ကစားသမားတွေအတွက် စိုးရိမ်စရာ ဖြစ်လာခဲ့ပါတယ်။
ဒီဘရိုင်းက “ကလပ်ကမ္ဘာ့ဖလားပြီးရင်တော့ တကယ့်ပြဿနာတွေ ရှိလာနိုင်ပါတယ်။ ကလပ်ကမ္ဘာ့ဖလားနဲ့ ပရီးမီးယားလိဂ် အဖွင့်ပွဲကြားထဲမှာ ၃ပတ်သာ ကွာဟတာကြောင့် ကျွန်တော်တို့မှာ အနားယူပြီး ရာသီသစ်အတွက် ပြင်ဆင်စရာ အချိန်၃ပတ်သာရှိပါတယ်။
ဒီနှစ်မှာတော့ အဆင်ပြေနိုင်ပေမယ့် လာမယ့်နှစ်ကတော့ ပြဿနာတွေ ရှိလာနိုင်ပါတယ်။ အင်္ဂလန်က ပီအက်ဖ်အေနဲ့ အခြား ကစားသမားအစည်းအရုံးတွေကလည်း ဒီပြဿနာကို ဖြေရှင်းနိုင်ဖို့ ကြိုးစားနေကြပါတယ်။
ပြဿနာက ယူအီးအက်ဖ်အေနဲ့ ဖီဖာက ပွဲစဉ်အသစ်တွေ ဆက်တိုက်ထည့်နေတာဖြစ်ပြီး အဲ့ဒါကြောင့် ပြဿနာတွေ ရှိလာနိုင်ပါတယ်။ ဒါပေမယ့် အဖြေကတော့ ရှာမတွေ့သေးပါဘူး။ ပိုက်ဆံမျက်နှာက ကစားသမားတွေရဲ့အော်သံကို လွှမ်းမိုးသွားပြီ ထင်ပါတယ်ဗျာ။”လို့ ပြောခဲ့ပါတယ်။
ပရောက်ဖက်ရှင်ကစားသမားအစည်းအရုံးဖြစ်တဲ့ FIFPROကတော့ ပွဲစဉ်တွေ ဆက်တိုက်ကစားခိုင်းနေတဲ့ ဖီဖာကို တရားဆွဲမယ်လို့ ကြေညာထားခဲ့ပါတယ်။
