နန့်စ် – အော်ဇေး (တနင်္ဂနွေည ၈း၃၀ နာရီ)
တန်းဆင်းဇုန်အငွေ့အသက်မကင်းတဲ့အသင်း (၂)သင်းရဲ့ ထိပ်တိုက်တွေ့ဆုံမှုက အကြိတ်အနယ်ရှိဦးမှာပါ။ အိမ်ကွင်းမှာ အမှတ်ရအောင်ကစားတတ်တဲ့ နန့်စ်ပဲနိုင်ပွဲယူသွားပါလိမ့်မယ်။
တူးလူး – အာယက်စီယို (တနင်္ဂနွေည ၈း၃၀ နာရီ)
ရလဒ်နဲ့ ခြေစွမ်းကွာခြားမှုမရှိတဲ့ဒီပွဲမှာ တန်းဆင်းဇုန်အန္တ ရာယ်နဲ့နီးနေတဲ့ အာယက်စီယိုကိုပဲရွေးထားချင်တယ်။
မိုနာကို – ဘရက်စ် (တနင်္ဂနွေည ၈း၃၀ နာရီ)
ပြီးခဲ့တဲ့ပွဲတွေမှာတော့ မိုနာကိုတို့ ရလဒ်တည်ငြိမ်ဖို့ရုန်းကန် ခဲ့ရတယ်။ ခြေစွမ်းမဆိုးပေမဲ့ ခံစစ်ပိုင်းအားနည်းမှုက မိုနာကို အ တွက်ဖိအားပါပဲ။ အခုအိမ်ကွင်းပွဲမှာတော့ မိုနာကိုနိုင်ပွဲယူမှာပါ။
အန်ဂါစ် – လော်ရီယန့် (တနင်္ဂနွေည ၈း၃၀ နာရီ)
ရှုံးပွဲတွေဆက်ပြီး ဇယားအောက်ဆုံးမှာရုန်းကန်နေရတဲ့ အန်ဂါစ်တို့ အိမ်ကွင်းမှာ ပေါက်ကွဲပြနိုင်မလား စောင့်ကြည့်ရ မယ်။ အန်ဂါစ်တို့ အမှတ်ရအောင်တော့ ကစားပါလိမ့်မယ်။
လိုင်ယွန် – ကလယ်မွန့် (တနင်္ဂနွေည ၁၀း၃၀ နာရီ)
ဥရောပဝင်ခွင့်မျှော်လင့်ချက်အတွက် လိုင်ယွန်တို့အိမ်ကွင်း မှာ အမှားခံမယ်မထင်ပါဘူး။ ကလယ်မွန့်ကလည်း ခြေငြိမ်ဖို့ရုန်း ကန်နေရတဲ့အသင်းပါ။ လိုင်ယွန်ကိုပဲရွေးချင်တယ်။
လန်းစ် – PSG (တနင်္လာနံနက် ၂း၁၅ နာရီ)
ဒီတစ်ပတ်ရဲ့အကြိတ်အနယ်အရှိဆုံးနဲ့ ရင်ခုန်မှုအပြင်း ထန်ဆုံးပွဲစဉ်ပါ။ လက်ရှိအမှတ်ပေးဇယား အဆင့် (၁)နဲ့ (၂)နေရာမှာ အပြိုင်ရပ်တည်နေတဲ့အသင်း (၂)သင်းဖြစ်တဲ့အပြင် လက်ရှိခြေစွမ်းအရလည်း ပြိုင်ပွဲရဲ့ Form အကောင်းဆုံးအ သင်း (၂)သင်းဖြစ်လို့ အကြိတ်အနယ်ရှိမှာအသေအချာပါပဲ။ ဒါ့ပြင် လန်းစ်ရဲ့ နောက်ဆုံး (၈)ပွဲဆက်အနိုင်ရထားပြီး (၁၃) ပွဲဆက်ရှုံးပွဲမရှိထားတဲ့ အိမ်ကွင်းစွမ်းဆောင်ရည်က အဓိက ကစားသမားအစုံအလင်ပါနိုင်ဖို့မရှိသေးတဲ့ PSG ကို ဖိအားပေး နိုင်ဦးမှာပါ။ ချန်ပီယံဆုအတွက်အရေးပါတဲ့ပွဲမှာ လန်းစ်တို့ သရေလောက်ရအောင်တော့ ကစားပါလိမ့်မယ်။
