စီးရီးအေထိပ်သီးကလပ် ဂျူဗင်တပ်စ်အသင်းသည် မန်ယူအသင်း၏ ကွင်းလယ်လူ ပေါ့ဘာအား ဒုတိယအကြိမ်မြောက် အလွတ်ပြောင်းရွှေ့ကြေး ဖြင့်ခေါ်ယူရန် ဆွေးနွေးမှုများကို စတင်ပြုလုပ်နေပြီဖြစ်ကြောင်း သိရှိရသည်။
ဂျူဗင်တပ်စ်အသင်းသည် ပေါ့ဘာအား မန်ယူအသင်းအကယ်ဒမီမှ အသင်းကြီးထံသို့ မပြောင်းရွှေ့မီအချိန်တွင် အလွတ်ပြောင်းရွှေ့ကြေးဖြင့် ခေါ်ယူခဲ့ဖူးပြီး နောက်ပိုင်းတွင် ကမ္ဘာ့စံချိန်တင်ပြောင်းရွှေ့ကြေး ပေါင်သန်း (၉၀)ဖြင့် ပြန်လည်ရောင်းထုတ်ခဲ့ သည်။
ယခုအချိန်တွင်လည်း မန်ယူအသင်းထံမှပင် ပြန်လည်ခေါ်ယူရန် စီစဉ်နေရာတွင် ပြောင်းရွှေ့ကြေးအလွတ်ဖြင့် ဒုတိယအကြိမ်မြောက်ခေါ်ယူရန် ဆွေးနွေးနေခြင်းလည်း ဖြစ်သည်။
ပေါ့ဘာသည် မန်ယူအသင်းနှင့် ယခုရာသီကုန်တွင် စာချုပ်သက်တမ်းကုန်ဆုံးတော့မည့် ကစားသမားဖြစ်ပြီး အသင်းနှင့် စာချုပ်သက်တမ်းတိုးရန် ဆွေးနွေးမှုများကို ငြင်းဆန်ပယ်ချခဲ့သူ ဖြစ်သည်။
သူ၏အေးဂျင့် မီနိုရိုင်ယိုလာ ကွယ်လွန်ခဲ့ပြီးဖြစ်သော်လည်း သူ၏အပြောင်းအရွှေ့ကို ဘရာဇီးလ်ရှေ့နေ ရာဖယ်လာပီမန်တာက ဆက်လက်ကိုင်တွယ်နေသည်။
