မတ် ၄ ရက်မှ ၁၃ ရက်အထိ ကျင်းပခဲ့သည့် ၁၃ ကြိမ်မြောက် ၂၀၂၂ ပေကျင်းဆောင်းရာသီ မသန်စွမ်းအိုလံပစ်ပြိုင်ပွဲ ပြီးဆုံးသွားပြီဖြစ်ကြောင်း သိရသည်။
အိမ်ရှင်တရုတ်အနေဖြင့် ပြိုင်ပွဲသမိုင်းတစ်လျှောက် ပထမဆုံးအကြိမ်အဖြစ် နိုင်ငံအလိုက် ဆုတံဆိပ်ရရှိမှုဇယား၌ ထိပ်ဆုံး နေရာရပ်တည်နိုင်ခဲ့သည်။
ပြိုင်ပွဲတွင် Alpine Skiing၊ Nordic Skiing၊ Para Ice Hockey၊ Snowboarding၊ Wheelchair Curling စသည့် အားကစား နည်းငါးမျိုး ထည့်သွင်းကျင်းပခဲ့ပြီး ပြိုင်ပွဲအမျိုး အစား ၇၈ မျိုးဖြင့် ကျင်းပခဲ့ခြင်းဖြစ်သည်။
၂၀၂၂ ပြိုင်ပွဲတွင် IPC အဖွဲ့ဝင်နိုင်ငံပေါင်း ၁၉ နိုင်ငံမှ ဆုတံဆိပ်ရရှိခဲ့ပြီး အခြား ၂၇ နိုင်ငံ မှာမူ ဆုတံဆိပ်မရခဲ့ကြောင်း သိရသည်။
နော် ဝေအားကစားသမား ယက်စပါပတ်ဒါဆန်က ရွှေတံဆိပ်လေးခုအထိရယူကာ အအောင်မြင်ဆုံးဖြစ်ခဲ့သည်
အမေရိကန်မှ အော့ဆာနာမာစတာစ်မှာမူ ဆုတံဆိပ်အများဆုံးအဖြစ် ရွှေ သုံးခု၊ ငွေလေးခုရရှိခဲ့သည်။
