ပိုလန်နှင့်ပွဲတွင် ပြသခဲ့သည့် စွမ်းဆောင်ရည်သည် မိမိမျှော်လင့်ထားသည့် စွမ်းဆောင်ရည်ဖြစ်ပြီး စိတ်ပိုင်း၊ ရုပ်ပိုင်းကို ပြင်ဆင်ထားသည့်ရလဒ်ဟု ဘာပေဆို

ပြင်သစ်အသင်း၏ တိုက်စစ်မှူး  ကီလီယန်ဘာပေက ပိုလန်အသင်းနှင့်ပွဲစဉ်တွင် မိမိပြသခဲ့သည့် စွမ်းဆောင်ရည်သည် မိမိမျှော်လင့်ထား သည့် စွမ်းဆောင်ရည်မျိုးဖြစ်ပြီး စိတ်ပိုင်း၊ ရုပ်ပိုင်းကို ကြိုတင်ပြင်ဆင်ထားသည့် ရလဒ်ဖြစ်သည်ဟု ပြောကြားခဲ့သည်။

ဘာပေသည် ယင်းပွဲစဉ်တွင် ပြင်သစ်အသင်းအတွက် သွင်းဂိုး (၂)ဂိုးနှင့်အတူ ဂျရူး၏သွင်းဂိုးကိုလည်း ဖန်တီးပေးခဲ့ပြီး Man of the Match ဆုကို ထိုက်ထိုက်တန်တန်ဆွတ်ခူးနိုင်ခဲ့သည်။

ပွဲအပြီးတွင် ယင်းပွဲမှ စွမ်းဆောင်ရည်နှင့် ပတ်သက်ပြီး မီဒီယာများက မေးမြန်းခဲ့ရာ ”ကမ္ဘာ့ဖလားက ကျွန်တော့်ရဲ့ အိပ်မက်ပြိုင်ပွဲဖြစ်ပြီး ဒီပွဲမှာ ပြသခဲ့တဲ့ စွမ်းဆောင်ရည်က ကျွန်တော် ဒီပြိုင်ပွဲမှာ ပြသနိုင်ဖို့ အမြဲတမ်း မျှော်လင့်ထားတဲ့ စွမ်းဆောင်ရည်မျိုးပါ။ ဒီလိုစွမ်းဆောင်ရည်မျိုးအတွက် ကျွန်တော် အများကြီး ပြင်ဆင်ထားရပြီး၊ စိတ်ပိုင်း၊ ရုပ်ပိုင်း ပြင်ဆင်ထားမှုရဲ့အကျိုးဆက်လည်း ဖြစ်ပါတယ်။ ကျွန်တော်တို့ တစ်သင်းလုံးရဲ့ အလုပ်လုပ်ပုံလည်း အရမ်းကောင်းခဲ့ပါတယ်။ ဒါပေမဲ့ ကျွန်တော်တို့ ကမ္ဘာ့ ဖလားအောင်မြင်မှုအတွက်ဆိုရင် အများကြီးလုပ်ဖို့ ကျန်ပါသေးတယ်”ဟု ပြောကြားခဲ့သည်။

ဘာပေသည် ယခုအချိန်တွင် ကမ္ဘာ့ဖလား သွင်းဂိုး (၉)ဂိုးအထ ိရှိလာခဲ့ပြီး (၉)ဂိုးမြောက်ကို အသက်အငယ်ဆုံးဖြင့်ရောက်ရှိသူ ဖြစ်လာခဲ့သည်။