စပါးအသင်းသည် စီးရီးအေကလပ် အင်တာမီလန်အသင်းမှ အာဂျင်တီးနားတိုက်စစ်မှူး လော်တာရိုမာတီနက်ဇ်အား ပေါင်သန်း (၆၀)ဖြင့်ခေါ်ယူရန် သဘောတူညီမှုရရှိခဲ့ကြောင်း ဗြိတိန်သတင်းစာ The Times က ဖော်ပြခဲ့သည်။
စပါးအသင်းသည် လန်ဒန်မြို့ခံပြိုင်ဘက် အာဆင်နယ်အသင်းနှင့် သတင်းများထွက်ပေါ် ခဲ့သော လော် တာရိုမာတီနက်ဇ် (၂၃ နှစ်)၏အပြောင်းအရွှေ့အတွက် အလျင်အမြန် ကြိုးပမ်းခဲ့ခြင်းဖြစ်သည်။
လက်ရှိအချိန်တွင် ပြောင်းရွှေ့ကြေးအတွက် သဘောတူညီမှုရယူနိုင်ခဲ့ခြင်းဖြစ်ကြောင်း သိရသည်။
စပါးအသင်းအနေဖြင့် မာတီနက်ဇ်အတွက် ကနဦးပြောင်းရွှေ့ကြေး ပေါင်သန်း (၆၀) ပေးချေရမည်ဖြစ်ပြီး Add-ons ကြေးများ ပါဝင်ပါက ပြောင်းရွှေ့ကြေးစုစုပေါင်းမှာ ပေါင် (၇၆.၈)သန်းအထိ တန်ကြေးရှိမည်ဖြစ်ကြောင်း သိရသည်။
စပါးအသင်းအနေဖြင့် မာတီနက်ဇ်အား ခေါ်ယူနိုင်ရန်စီစဉ်နေသော်လည်း မန်စီးတီးအသင်း၏ပစ်မှတ်ဖြစ်သည့် အသင်း၏အဓိကတိုက်စစ်မှူး ဟာရီကိန်းအား ရောင်းချမည်မဟုတ်ဘဲ အသင်းတွင် ဆက်လက်ထားရှိမည်ဖြစ်သည်။
၎င်းတို့(၂)ဦးအား အသင်း၏တိုက်စစ်ပိုင်းတွင် တွဲဖက်ကစားစေရန် စီစဉ်နေခြင်းဖြစ်ကြောင်း The Times က ဖော်ပြခဲ့သည်။
မာတီနက်ဇ်သည် အင်တာမီလန်အသင်းတွက် (၃)ရာသီအတွင်း ပြိုင်ပွဲစုံ (၁၃၂)ပွဲကစားကာ (၄၉)ဂိုးသွင်းယူပေးခဲ့ပြီး ပြီးခဲ့သည့်ရာသီက အသင်းနှင့်အတူ စီးရီးအေချန်ပီယံဆုကို ဆွတ်ခူးနိုင်ခဲ့သူဖြစ်သည်။
