ချဲလ်ဆီးအသင်းနည်းပြ မာရက်စ်ကာ ကွင်းလယ်လူ လာဗီယာတစ်ယောက် ပရီးမီးယားလိဂ် ၆ ပွဲလောက်လွဲချော်နိုင်တယ်လို့ သိရပါတယ်။ ဒါပေမယ့် အီတလီသားနည်းပြ လာမယ့်နောက်ဆုံး ၁၀ ပွဲအမီတော့ ပြန်လာနိုင်ဖို့ မျှော်လင့်နေပါတယ်။
“ကျွန်တော် လာဗီယာအတွက် ဝမ်းနည်းမိပါတယ်။ ကျွန်တော်တို့ ဒီရာသီ ၁၆ ပွဲလောက်ကန်ရဦးမှာပါ။ ရိုမီရိုတစ်ယောက် နောက်ဆုံး ၁၀ ပွဲအမီပြန်လာနိုင်ဖို့ မျှော်လင့်ပါတယ်။ အာဆင်နယ်နဲ့ မတ်လအလယ်မှာရင်ဆိုင်မယ့်ပွဲမှာ ပြန်လာနိုင်ဖို့ မျှော်လင့်ပါတယ်”လို့ မာရက်စ်ကာက အတည်ပြုခဲ့ပါတယ်။
လာဗီယာဟာ လွန်ခဲ့တဲ့ ၁၈ လတုန်းက ဆောက်သမ်တန်ကနေ ပေါင် ၅၈ သန်းနဲ့ ပြောင်းရွှေ့လာခဲ့တာဖြစ်ပြီး ၁၃ ပွဲသာ ပါဝင်ခွင့်ရရှိခဲ့ပါတယ်။ ဆောက်သမ်တန်စတားဟောင်းဟာ ခြေကျင်းဝတ် ၊ တံကောက်ကြောဒဏ်ရာတွေနဲ့သာ နပန်းလုံးနေခဲ့ရပြီး ပုံမှန်ကစားခွင့်ပါ မရခဲ့တာဖြစ်ပါတယ်။ ချဲလ်ဆီးအသင်းဟာ လာမယ့်တနင်္လာနေ့မှာ ဝက်စ်ဟမ်းအသင်းနဲ့ရင်ဆိုင်ရမှာဖြစ်ပြီး လာဗီယာတစ်ယောက် တက်ရောက်ကြည့်ရှုဖွယ်ရှိနေပါတယ်။
