အာဆင်နယ် နည်းပြ အာတီဝာာ က မန်စီးတီး နှင့် လီဗာပူး လို ထိပ်တန်း အသင်းကြီး နှစ်သင်း နဲ့ အပြိုင် ယှဉ်ပြိုင် နေရတဲ့ ပရီးမီးယားလိဂ် မှာ အမှတ်ပေး ချန်ပီယံ ဖြစ်ချင်ပါက ရမှတ် ၉၆ မှတ် နှင့် ၁၀၀ ကြား ရယူ နိင်ဖို့ လိုအပ်တယ်လို့ ဆိုလိုက်ပါတယ် ။
ပရီးမီးယားလိဂ် ပွဲစဉ် (၁၄) ကစားအပြီးမှာ အာဆင်နယ် အသင်းဟာ အမှတ်ပေး ဇယား ထိပ်ဆုံးမှာ ရမှတ် ၃၃ မှတ် နဲ့ ဦးဆောင်နေပြီး ဒုတိယနေရာက လီဗာပူး အသင်းကို ၃ မှတ် ၊ တတိယ နေရာက မန်ချက်စဝာာ စီးတီး အသင်းကို သုံးမှတ် ဖြတ်ထား နိုင်ပါတယ် ။
ဒီတစ်ပတ်ကြားရက်မှာတော့ အာဆင်နယ် အသင်းဟာ အဝေးကွင်းမှာ လူတန်တောင်း အသင်းနဲ့ ယှဉ်ပြိုင် ကစားရမှာ ဖြစ်ပြီး လီဗာပူး အသင်းကတော့ ဇယား အောက်ဆုံးက ရှက်ဖီးယူနိုက်တက် ၊ မန်စီးတီး အသင်းကတော့ ပွဲကြပ် အဖြစ် အက်စတန်ဗီလာ အသင်း နဲ့ ကစားရမှာ ဖြစ်ပါတယ် ။
ပြီးခဲ့တဲ့ နှစ်တွေ အတွင်း ပရီးမီးယားလိဂ် ချန်ပီယံဆုကို မန်စီးတီး နှင့် လီဗာပူး တို့ အသင်းတို့သာ ရယူ ထားနိုင်ကြပြီး သမိုင်း တစ်လျှောက် စံချိန်တင် ရမှတ်တွေကိုလည်း ရခဲ့ကြပါတယ် ။ စီးတီး ဟာ ၂၀၁၇-၁၈ မှာ ရမှတ် ၁၀၀ မှတ် နဲ့ ချန်ပီယံ ဖြစ်ခဲ့ပြီး လီဗာပူး အသင်းက ၂၀၁၉-၂၀ မှာ ရမှတ် ၉၉ မှတ် နဲ့ ချန်ပီယံ ဖြစ်ခဲ့ပါတယ် ။
အာဆင်နယ် နည်းပြ အာတီတာ ကတော့ ကာလ ရှည်ကြာ ဝေးကွာနေတဲ့ အမှတ်ပေး ချန်ပီယံဆုကို ပြန်လည် ရယူချင်တယ် ဆိုပါက မန်စီးတီး နှင့် လီဗာပူး တို့ရဲ့စံချိန် မှတ်တမ်းကို လိုက်မှီမှသာ ဖြစ်နိုင်လိမ့်မယ်လို့ဆိုလိုက်ပါတယ် ။ ” ကျနော့်မှာ ဘယ်နှစ်မှတ် ရရမယ်လို့ မျှော်မှန်းချက် ရှိသလဲ ဟုတ်လား ၊ ရှိတာပေါ့ဗျာ ၊ ချန်ပီယံ ဖြစ်ချင်တယ်ဆိုရင် ရမှတ် ၉၆ နှင့် ၁၀၀ ကြား ရဖို့တော့ လိုပါတယ် ။ ”
အာဆင်နယ် အသင်းဟာ မနှစ်က ရမှတ် ၈၄ မှတ် ရခဲ့ပြီး ချန်ပီယံ မန်စီးတီး အသင်းနဲ့ ငါးမှတ်အကွာ အဆင့် ၂ နေရာမှာ ရပ်တည် နိုင်ခဲ့ပါတယ် ။
