အာဆင်နယ် ၁-၂ ဝုလ်ဗ်
ပထမပို်င်းမှာ သွင်းယူခဲ့တဲ့ ဂိုးတွေနဲ့ပဲ ပွဲပြီး သွားခဲ့ခြင်းဖြစ်တယ်။ ဒီပွဲမှာ ထူးခြားခဲ့တာက ဝုလ်ဗ်အသင်းရဲ့တိုက်စစ်မှူး ဟီမင်နက်ဇ်က ပွဲစကတည်းက ဒဏ်ရာကြီးကြီးမားမားကြုံခဲ့လို့ လူစားလဲခံခဲ့ရပြီး ဆေးရုံကို ချက်ချင်းသွားခဲ့ရခြင်း ဖြစ်တယ်။ ဝုလ်ဗ်က သူတို့အသင်းရဲ့အဓိကတိုက်စစ်မှူး၊ ထိပ်တန်းဂိုးသွင်းရှင် မပါပေမဲ့ အာဆင်နယ်ကိုတော့ အနိုင်ယူခဲ့ပြီး အထူးသဖြင့် ခြေစွမ်းပြခဲ့ကြတာတော့ အဒါမာထရာအိုရေး၊ နေတိုတို့ ဖြစ် တယ်။
နေတိုက ဝုလ်ဗ်အတွက် ဦးဆောင်ဂိုးကို သွင်းယူခဲ့သလို၊ ဒုတိယဂိုးကလည်း သူ့ရဲ့ကန်ချက်ကနေ ပြန်ထွက်လာတာကို ပိုဒန့်စ်က ဝင်ကန်ခဲ့ခြင်းဖြစ်တယ်။ ဒါ့အပြင် အသင်းရဲ့တိုက်စစ်ပိုင်းကို ဦးဆောင်ပြီး အာဆင်နယ်ခံစစ်ကို အလုပ်ရှုပ်စေခဲ့သူလည်းဖြစ်တယ်။ အာဆင်နယ်အသင်းကတော့ နောက်ခံလူ ဂါဘရီယဲလ်သွင်းယူခဲ့တဲ့ သွင်းဂိုးတစ်ဂိုးသာရခဲ့ပြီး အဓိကတိုက်စစ်မှူး အူဘာမီယန်းလည်း ဂိုးပေါက်ဆက်ပျောက်ခဲ့တာ တွေ့ရတယ်။ အူဘာမီယန်းအတွက် အခွင့်အရေး ဖန်တီးနိုင်မှုအပိုင်းမှာလည်း အားနည်းခဲ့တယ်။
အာဆင်နယ်အသင်းနည်းပြ အာတီတာက တိုက်စစ်ပိုင်းမှာ ဝဲလက်ခ်ကို သုံးမယ့်အစား ဆာကာကို တိုက်စစ်တင်ကစားတာက ပိုအကျိုးရှိဦးမယ်ထင်တယ်။ လက်ရှိ သူသုံးနေတဲ့ပုံစံမှာတော့ ဆာကာက ခံစစ်နဲ့တိုက်စစ်ကို ချိန်ကစားနေရပြီး ဖန်တီးမှုနဲ့ တိုက်စစ်အရည်အသွေးတွေ ပျောက်ဆုံးနေခဲ့တယ်။ ဒါ့အပြင် မိတ်လန်းနိုင်းကို နေရာမပေးရဲတော့တာလည်း မှားပါတယ်။ နေတိုရဲ့ ဦးဆောင်ဂိုးကို (၂၇) မိနစ်မှာ သွင်းယူခဲ့ပြီး ဂါဘရီယဲလ်က (၃၀)မိနစ်မှာ ချေပဂိုးပြန်သွင်းခဲ့တယ်။ ပိုဒန့်ရဲ့အနိုင်ဂိုးကတော့ (၄၂)မိနစ်မှာသွင်းခဲ့တာ ဖြစ်ပါတယ်။
