အာဆင်နယ် တိုက်စစ်ကစားသမား ထရိုဆတ်ဒ်သည် ပရီးမီးယားလိဂ်၌ အဝေးကွင်းပွဲစဉ် ပထမပိုင်းတစ်ပိုင်းတည်းတွင် ဂိုးဖန်တီးမှု(၃)ကြိမ် ပြုလုပ်နိုင်သည့် ပထမဆုံးကစားသမားအဖြစ် မှတ်တမ်းဝင်ခဲ့ကြောင်း သိရသည်။
ထရိုဆတ်ဒ်သည် ဖူလ်ဟမ်နှင့်ပွဲတွင် အာဆင်နယ်အသင်းရရှိခဲ့သည့် သွင်းဂိုး (၃) ဂိုးစလုံးကို ဖန်တီးပေးခဲ့သူဖြစ်ပြီး အဆိုပါသွင်းဂိုးအားလုံးမှာ ပထမပိုင်းတစ်ပိုင်းတည်းတွင် သွင်းယူခဲ့ခြင်းလည်းဖြစ်သည်။
ပရီးမီးယားလိဂ်တွင် ယင်းသို့စွမ်းဆောင်နိုင်သူ မရှိသေးသဖြင့် ထရိုဆတ်ဒ်က ပထမဆုံးကစားသမားအဖြစ် မှတ်တမ်းဝင်ခဲ့ခြင်းဖြစ်သည်။
၎င်းက “အသင်းကို ဖန်တီးမှုတွေနဲ့ ကူညီပေးနိုင်တဲ့အတွက် ဝမ်းသာပါတယ်။ နိုင်ပွဲတိုင်းက အမြဲပျော်စရာကောင်းပါတယ်”ဟု ဆိုခဲ့သည်။
