အာဆင်နယ်အသင်းနည်းပြ အာတီတာမှာလည်း ပရီးမီးယားလိဂ်မှ ထုတ်ပယ်ခံရနိုင်သည့်နည်းပြ ရေပန်းစားမှုစာရင်းတွင် အလေးပေးမှု ၉း၂ ဖြင့် ခရစ္စဝိုင်လ်ဒါ (ရှက်ဖီးယူနိုက်တက်)၊ ဘီလစ် (ဝက်စ်ဘရွန်း)တို့၏နောက် တတိယနေရာသို့ ရောက်ရှိလာပြီဖြစ်သည်။
သို့သော် အာတီတာက ”ဆက်ပြီး တိုက်ပွဲဝင်ဖို့၊ ရှေ့ဆက်သွားဖို့ ကစားသမားတွေကို ကျွန်တော်အားပေးရပါမယ်။ အဲဒါက လွဲပြီး တခြားနည်းလမ်းမရှိပါဘူး။ ဒါပေမဲ့ ကျွန်တော့်အသင်းဆီမှာ စိတ်အားထက်သန် မှု၊ ပွဲကိုလွှမ်းမိုးနိုင်မှု၊ အခွင့်အရေးဖန်တီးနိုင်မှု စတဲ့အခြေအနေအားလုံး အပြည့်ရှိတယ်ဆိုတာ မြင်ရပါတယ်။ ဒါပေမဲ့ အဆုံးသတ်ပိုင်း က အဓိကကျပါတယ်။ အဲဒါကြောင့်ပဲ သူတို့ (စပါးအသင်း)က ဇယားထိပ်ဆုံးနေရာမှာ ရပ်တည်နေတာပါ။ ကျွန်တော်တို့ ဂိုးတွေသွင်းနိုင်ဖို့ လိုပါတယ်။ ဂိုးပိုက်ထဲကို ဘောလုံးသွင်းနိုင်ဖို့ အရေးတကြီး လိုအပ်နေပါတယ်”ဟု ပြောကြားသည်။
လက်ရှိ၌ ရာသီအစ ၁၁ ပွဲကစားအပြီးတွင် ၁၃ မှတ်သာရရှိထားသည့် အာဆင်နယ်အသင်းသည် ၁၉၈၁-၁၉၈၂ ရာသီနောက်ပိုင်း ၃၉ နှစ်အတွင်း အဆိုးရွားဆုံးအခြေအနေရင်ဆိုင် နေရကြောင်း သိရသည်။
အာဆင်နယ်တိုက်စစ်ပိုင်းမှာလည်း ၁၀ ဂိုးသာ သွင်းယူထားနိုင်ပြီး ယင်းပမာဏမှာ စပါးအသင်းတိုက်စစ်ကစားသမား ဆွန်ဟောင်မင်တစ်ဦးတည်း၏သွင်းဂိုးနှင့် တူညီနေကြောင်း သိရသည်။
ထုတ်ပယ်ခံရရန် ရေပန်းအစားဆုံးစာရင်း
အမည် ကလပ် အလေးပေးမှု
၀ိုင်လ်ဒါ ရှက်ဖီးယူနိုက်တက် ရး၄
ဘီလစ် ဝက်စ်ဘရွန်း ၃း၁
အာတီတာ အာဆင်နယ် ၉း၂
ဆိုးလ်ရှား မန်ယူ ၉း၂
ပါကား ဖူလ်ဟမ် ၁၁း၂
