အေဂျက်စ်ကွင်းလယ်လူ ဗန်ဒယ်ဘိခ်သည် ပရီးမီးယားလိဂ်သို့ ပြောင်းရွှေ့ရန် ဆန္ဒရှိနေပြီး ကမ်းလှမ်းမှုများကို စောင့်မျှော်နေကြောင်း သိရသည်။
အသက် (၂၃)နှစ်အရွယ်ရှိ နယ်သာလန်ကွင်းလယ်ကစားသမား ဗန်ဒယ်ဘိခ်(၂၃ နှစ်)သည် လာလီဂါထိပ်သီး ရီးယဲလ်နှင့် ဘာစီလိုနာတို့၏ စိတ်ဝင်စားခြင်းခံနေရသူဖြစ်သည်။
သို့သော် ဗန်ဒယ်ဘိခ်ကိုယ်တိုင်ကမူ ပရီးမီးယားလိဂ်သို့ ပြောင်းရွှေ့ရန် ပိုမိုလိုလားနေခြင်းဖြစ်ကြောင်း သိရသည်။
အေဂျက်စ်အသင်းကလည်း ဗန်ဒယ်ဘိခ်အတွက် သင့်တော်သည့် ကမ်းလှမ်းမှုရရှိခဲ့ပါက ထွက်ခွာခွင့်ပြုသွားမည်ဟု အတည်ပြုထားသည်။
အေဂျက်စ်အသင်းနှင့် ချုပ်ဆိုထားသည့် ဗန်ဒယ်ဘိခ်၏ လက်ရှိစာချုပ်မှာ ၂၀၂၂ ခုနှစ်တွင် သက်တမ်းကုန်ဆုံးမည်ဖြစ်သည်။
