ဝက်ဖို့ဒ် – ချယ်လ်ဆီး (ကြသာပတေးနံနက် ၂း၀၀ နာရီ)
ရာနီရေးရီကလည်း အသင်းဟောင်း ချယ်လ်ဆီးနဲ့ ရင်ဆိုင် ရမှာဖြစ်တယ်။ အသင်းရဲ့ခြေစွမ်းပိုင်းက မဆိုးပါဘူး။ ပြီးတော့ မထင်ရင်မထင်သလို ဂိုးတွေလည်းမြူးတတ်တယ်။ ဒါပေမဲ့ ချယ်လ်ဆီးရဲ့ ခံစစ်တည်ငြိမ်မှု၊ ကျစ်လျစ်မှုနဲ့ ယုံကြည်မှုကို ဝက်ဖို့ဒ် ကျော်ဖို့ခက်ပြီး နေရာစုံကဂိုးသွင်းနိုင်တဲ့ ချယ်လ်ဆီး တိုက်စစ်ကိုလည်း ဝက်ဖို့ဒ် ထိန်းနိုင်မယ်မထင်ဘူး။
ဝက်စ်ဟမ်း – ဘရိုက်တန် (ကြသာပတေးနံနက် ၂း၀၀ နာရီ)
အသင်းကောင်းနှစ်သင်းရဲ့ပွဲပါ။ ဒါပေမဲ့ ဘရိုက်တန်က နောက်ပိုင်းပွဲတွေမှာ ရလဒ်ပိုင်း သိသိသာသာကျဆင်းလာ တယ်။ ခြေစွမ်းပိုင်းက ကောင်းမွန်နေဆဲဖြစ်ပြီး အသင်းတိုင်းကို မာမာကျောကျောကစားနေရင်း ရလဒ်ဆိုးနေတာပါ။ ဝက်စ်ဟမ်း ကတော့ ဘရိုက်တန်ထက် ခြေစွမ်းရော၊ ရလဒ်ပါ ပိုကောင်း တယ်။ ဝက်စ်ဟမ်း အကြိတ်အနယ်ကစားပြီး နိုင်လိမ့်မယ်။
ဝုလ်ဗ် – ဘန်လေ (ကြသာပတေးနံနက် ၂း၀၀ နာရီ)
ဝုလ်ဗ်အသင်းက ရာသီအစက ပြဿနာမျိုးစုံရှိခဲ့တယ်။ ခြေစွမ်းပိုင်းအရမ်းကောင်းပြီး အခွင့်အရေးဖန်တီးမှုပေါင်းများ စွာ ပွဲတိုင်းလိုလိုတွေ့ရတယ်။ ဒါပေမဲ့ ရလဒ်ပိုင်း မကောင်းခဲ့ဘူး။ အခုအချိန်မှာတော့ ခြေစွမ်းက ရာသီအစကလောက် မကောင်း ပေမဲ့ ရလဒ်ပိုင်းသိသိသာသာကောင်းမွန်လာတယ်။ ဒီပွဲ ဝုလ်ဗ် ကိုပဲ ကြိုက်တယ်။
ဆောက်သမ်တန် – လက်စတာ (ကြသာပတေးနံနက် ၂း၀၀ နာရီ)
လက်စတာက ဆောက်သမ်တန်ထက်ပိုကောင်းတဲ့အ သင်းဆိုပေမဲ့ ဒီရာသီမှာတော့ ရလဒ်တွေ မတည်မငြိမ်ဖြစ် နေတယ်။ ဆောက်သမ်တန်က ရာသီအစက အမှားများခဲ့ပေမဲ နောက်ပိုင်းမှာတော့ တဖြည်းဖြည်းတည်ငြိမ်လာတာ တွေ့ရပါ တယ်။ ဆောက်သမ်တန် အိမ်ကွင်းလည်းဖြစ်နေလို့ ဆောက် သမ်တန်ကို ကြိုက်တယ်။
အက်စတွန်ဗီလာ – မန်စီးတီး (ကြသာပတေးနံနက် ၂း၄၅ နာရီ)
ဂျရတ်ရဲ့ အက်စတွန်ဗီလာနည်းပြဘ၀ အစောပိုင်းကာ လတွေက တကယ်ချီးကျူးစရာပါ။ အထူးသဖြင့် ခြေတက်နေ တဲ့ ဗီယာရာရဲ့ ခရစ္စတယ်ပဲလေ့စ်ကို အဝေးကွင်းမှာ အနိုင်က စားပြခဲ့တာ တွေ့ရတယ်။ မန်စီးတီးက ပုံစံကောင်းပြနေတဲ့အ သင်းဖြစ်ပြီး ဥရောပအဆင့်မှာပါ ခြေစွာနေတဲ့အသင်းဖြစ်လို့ ဒီ ပွဲတော့ ဂျရတ် ရှုံးပွဲစတွေ့မယ်ထင်တယ်။
အဲဗာတန် – လီဗာပူးလ် (ကြသာပတေးနံနက် ၂း၄၅ နာရီ)
မာဆေးဆိုက်ဒါဘီ ပွဲစဉ်တွေထဲမှာတော့ အဲဗာတန်ကွင်း မှာ ကစားတဲ့ပွဲစဉ်တွေက ပိုပြင်းထန်ပြီး စိတ်ဝင်စားစရာ ကောင်းတယ်။ လီဗာပူးလ်ကွင်းမှာဆိုရင် လီဗာပူးလ်က အ လွယ်တကူအသာရလေ့ရှိပေမဲ့ အဲဗာတန်ကွင်းမှာတော့ အ ကြိတ်အနယ်ဖြစ်လေ့ရှိပါတယ်။ ဒီပွဲမှာ နောက်ထပ် စိတ်ဝင် စားစရာကောင်းတဲ့အချက်က လီဗာပူးလ်အသင်းကို ချန်ပီယံ လိဂ်ဖလားယူပေးခဲ့ဖူးတဲ့ နာမည်ကြီးနည်းပြ ဘင်နီတက်ဇ်က အဲဗာတန်ကို ကိုယ်စားပြုပေးထားခြင်းဖြစ်ပြီး အဲဗာတန်ရဲ့ ကစားသမားအင်အားကလည်း အိမ်ကွင်းမှာ လီဗာပူးလ်ကို ဒုက္ခပေးနိုင်စွမ်းရှိပါတယ်။ လက်ရှိခြေစွမ်းပိုင်းအရ လီဗာ ပူးလ်နဲ့ အရမ်းအဆင့်ကွာနေပြီဆိုပေမဲ့ အိမ်ကွင်းမှာဆိုရင် အရင်ကလည်း လီဗာပူးလ်ကို အဲဗာတန် ဒုက္ခပေးလေ့ရှိသလို၊ ဒီတစ်ကြိမ်လည်း ဒုက္ခပေးဦးမလားဆိုတာကို စောင့်ကြည့်ရ မယ်။
