မန်စီးတီးနည်းပြ ဂွါဒီယိုလာက ပရီးမီးယားလိဂ်ချန်ပီယံဆု ရရှိရန်မှာ ချန်ပီယံလိဂ်ဖလားရရှိရန်ထက် ပိုမိုခက်ခဲသည်ဟု သုံးသပ်ပြောကြားခဲ့သည်။
ဂွါဒီယိုလာ၏ မန်စီးတီးအသင်းသည် ယခုရာသီတွင် ပရီးမီးယားလိဂ်ချန်ပီယံဆုအတွက် နောက်ဆုံးပွဲစဉ်အထိ လီဗာပူးလ်အသင်းနှင့် ပြိုင်ဆိုင်ခဲ့ရပြီး ချန်ပီယံလိဂ်ပြိုင်ပွဲတွင်မူ ဆီမီးဖိုင်နယ်အဆင့်မှ ထွက်ခွာခဲ့ရသည်။
ဂွါဒီယိုလာက ”လိဂ်ပြိုင်ပွဲက ပိုခက်တယ်လို့ ကျွန်တော် ပြောချင်ပါတယ်။ အဲဒါက ရက်သတ္တပတ်များစွာ၊ ပွဲပေါင်းများစွာ၊ ဒဏ်ရာပြဿနာတွေနဲ့ ရုန်းကန်ရသလို၊ ခြေစွမ်းအကောင်း အဆိုး မတူညီတဲ့အခြေအနေတွေ၊ ခက်ခဲတဲ့ပြိုင်ဘက်တွေနဲ့ ရင်ဆိုင်ရတာပါ။ (၆၊ ၇)ပွဲကစားရတာ နဲ့ (၃၈)ပွဲကစားရတာ မတူပါဘူးဒဒဟုဆိုခဲ့သည်။
