ဝေးလ်စ်လက်ရွေးစင်အသင်းခေါင်းဆောင် ဂါရတ်ဘေးလ်က အီရန်အသင်းအား ရှုံးနိမ့်ခဲ့ပြီးနောက် နောက်တစ်ဆင့်တက်ရောက်နိုင်ရန် ခက်ခဲသွားပြီဖြစ်ကြောင်း ဝန်ခံပြောကြားခဲ့သည်။
ဝေးလ်စ်အသင်းသည် နောက်ဆုံးပွဲတွင် ဗြိတိန်ပြိုင်ဘက် အင်္ဂလန်နှင့် ရင်ဆိုင်ရမည်ဖြစ်သည်။
”ကျွန်တော်တို့ အဆုံးအထိ တိုက်ပွဲဝင်ခဲ့ပါတယ်။ ဒါပေမဲ့ ကမ္ဘာ့ဖလားပြိုင်ပွဲမှာ အသင်းကောင်းတွေနဲ့ ရင်ဆိုင်ရတဲ့အခါ (၁၀) ဦးတည်းနဲ့ ကစားရတာက ခက်ခဲပါတယ်။ ကျွန်တော်တို့ ရှေ့ဆက်သွားရပါမယ်။ ရှေ့ဆက်သွားဖို့အတွက် ကိုယ့်ကိုယ်ကိုပဲ မြှင့်တင်ရမှာပါ။ အခုအချိန်မှာ အဲဒါက ခက်ခဲသွားပါပြီ။ ဒါပေမဲ့ အင်္ဂလန်ကို အနိုင်ယူဖို့ ကြိုးစားသွားမှာပါ။ ဒါက ရိုးရှင်းပါတယ်” ဟု ဘေးလ်က ပြောကြားခဲ့သည်။
