လီဗာပူးလ်အသင်း၏နည်းပြ ယာဂန်ကလော့ပ်သည် ပရီးမီးယားလိဂ်ပြိုင်ပွဲ၏ နောက်ဆုံး(၄)ရာသီ နောက်ဆုံး(၁၀)ပွဲမှတ်တမ်း၌ ရ လဒ်အကောင်းဆုံးနည်းပြအဖြစ် ရပ်တည်နေကြောင်း သိရသည်။
ယခုရာသီ ပရီးမီးယားလိဂ်ပြိုင်ပွဲတွင် ချန်ပီယံဆုအတွက် အာဆင်နယ်၊ လီဗာပူးလ်နှင့် မန်စီးတီးအသင်းတို့ အပြိုင်ဖြစ်နေပြီး ပြိုင်ပွဲပြီး ဆုံးရန် လက်ကျန်(၁၀)ပွဲသာလိုတော့သဖြင့် ဆောင်းပါးရှင် အဲလက်စ်ကီဘယ်က နည်းပြ (၃)ဦး၏ နောက်ဆုံး(၄)ရာသီ နောက်ဆုံး(၁၀) ပွဲ စွမ်းဆောင်ရည်များကို နှိုင်းယှဉ်ဖော်ပြခဲ့ခြင်းဖြစ်သည်။
အာဆင်နယ်နည်းပြ အာတီတာသည် အာဆင်နယ်အသင်းကို ၂၀၁၉ ဒီဇင်ဘာမှ စတင်တာဝန်ယူခဲ့သောကြောင့် စုစုပေါင်း(၄) ရာသီသာ ကိုင်တွယ်ဖူးသေးသည့်အတွက် (၄) ရာသီအတွက်သာ နှိုင်းယှဉ်ခဲ့ခြင်းဖြစ်သည်။
အာတီတာသည် လီဗာပူးလ်နည်းပြ ယာဂန်ကလော့ပ်၊ မန်စီးတီးနည်းပြ ဂွါဒီယိုလာတို့နှင့် နှိုင်းယှဉ်ပါက နောက်ဆုံး(၁၀)ပွဲတွင် စွမ်းဆောင်ရည် အညံ့ဆုံးဖြစ်နေပြီး စုစုပေါင်းပွဲ(၄၀)၌ (၆၆)မှတ်သာ ရယူနိုင်ခဲ့သည်။
ယာဂန်ကလော့ပ်မှာ ပွဲ(၄၀)တွင် (၉၆)မှတ်ရယူနိုင်ခဲ့ပြီး ဂွါဒီယိုလာက ပွဲ(၄၀)တွင် (၉၄)မှတ် ရယူနိုင်ခဲ့သည်။ ယာဂန်ကလော့ပ်သည် နောက်ဆုံး(၃)ရာသီစလုံး၌ ပရီးမီးယားလိဂ်နောက်ဆုံး(၁၀)ပွဲတွင် ရှုံးပွဲမရှိခဲ့ကြောင်း လည်း သိရသည်။
