ခြေချင်းဝတ်ဒဏ်ရာကြောင့် ကမ္ဘာ့ဖလားပြိုင်ပွဲ အုပ်စုပွဲများနှင့် လွဲချော်ခဲ့ရသည့် တိုက်စစ်ကစားသမား နေမာသည် အသင်း၏အကောင်းဆုံးကစားသမားဖြစ်သည်ဟု ကွင်းလယ်လူ ကက်စီမီရိုက ချီးကျူးခဲ့သည်။
”သူ(နေမာ)ဟာ ကမ္ဘာ့အကောင်းဆုံးကစားသမားတွေထဲက တစ်ယောက်ပါ။ ကျွန်တော်တို့မှာ အရည်အသွေးမြင့် ကစားသမားတွေ ရှိပါတယ်။ သူတို့ကို နေမာနဲ့ နှိုင်းယှဉ်တဲ့အချိန်မှာ သူ့ရဲ့ Level နဲ့ဆိုရင် တစ်စုံတစ်ယောက်ကို ရှာတွေ့ဖို့ ခက်ခဲပါတယ်။ ကျွန်တော်တို့မှာ ကောင်းကောင်းကစားနိုင်တဲ့ တခြားကစားသမားတွေ ရှိပါတယ်။ ဒါပေမဲ့ နေမာဟာ ကျွန်တော်တို့အသင်းရဲ့ အကောင်းဆုံးဆိုတာ သိမြင်ပြီး လက်ခံရမှာဖြစ်ပါတယ်”ဟု အသင်းဖော် ကက်စီမီရိုက ပြောကြားခဲ့သည်။
နေမာသည် ဆားဘီးယားနှင့်ပွဲတွင် ရရှိခဲ့သည့် ခြေချင်းဝတ်ဒဏ်ရာကြောင့် အုပ်စုလက်ကျန်နှစ်ပွဲစလုံးကို လွဲချော်ရမည်ဖြစ်သော်လည်း နောက်အဆင့်များတွင် ပြန်ကစားနိုင်မည်ဟု ဘရာဇီးလ်နည်းပြ ထိထီက ယုံကြည်နေကြောင်း သိရသည်။
