ဆော်ဒီကလပ် အယ်လ်ဟီလာအသင်းသည် ဒဏ်ရာကြောင့် ရာသီကုန်အထိ အနားယူရမည့် ဘရာဇီးလ်တိုက်စစ်မှူး နေမာကို ယာယီစာချုပ်ဖျက်သိမ်း၍ နိုင်ငံခြားသားကစားသမားသစ် ထပ်မံခေါ်ယူရန် စီစဉ်နေကြောင်း သိရသည်။
အယ်လ်ဟီလာအသင်းသည် နာမည်ကျော်တိုက်စစ်ကစားသမား နေမာကို ပြီးခဲ့သည့်နွေရာသီတွင် PSG အသင်းထံမှ ယူရိုသန်း(၉၀)ဖြင့် ခေါ်ယူခဲ့ခြင်းဖြစ်ပြီး ပြိုင်ပွဲစုံ(၅)ပွဲသာ အသုံးပြုခဲ့ရပြီးနောက် ဒူးအရွတ်ဒဏ်ရာကြောင့် ရာသီကုန်အထိ အနားပေးရတော့မည်ဖြစ်သည်။
ထို့ကြောင့် အယ်လ်ဟီလာအသင်းက နေမာကို လာမည့်ရာသီမှ အသင်းလူစာရင်းတွင် ပြန်လည်ထည့်သွင်းမည်ဖြစ်ပြီး ၎င်းင်း၏နေရာ၌ ကစားသမားသစ်အားဖြည့်ခေါ်ယူရန် စီစဉ်ခြင်းဖြစ်သည်။
ဆော်ဒီပရိုလိဂ် ပြိုင်ပွဲတွင် ကလပ်အသင်းများအနေဖြင့် နိုင်ငံခြားသားပြည်ပကစားသမားအရေအတွက်ကို တစ်သင်းလျှင် (၈)ဦးအထိသာ စာရင်းသွင်းခွင့်ပြုထားသည်။
ထို့ကြောင့် အယ်လ်ဟီလာနည်းပြ ဟော်ဟဲဂျေးဇူးက အားနည်းချက်ဖြစ်နေသည့် ဘယ်နောက်ခံနေရာအတွက် နိုင်ငံခြားသားကစားသမားတစ်ဦး ခေါ်ယူအားဖြည့်ရန် ဆန္ဒရှိနေကြောင်း သိရသည်။
