နယူးကာဆယ်အသင်းအတွက် ခြေစွမ်း ပြကစားနေသည့် ညာနောက်ခံလူ ထရစ်ပီယာသည် ခြေဖဝါးအရိုးကျိုးဒဏ်ရာကြောင့် ခြောက်ပတ်ခန့် အနားယူရမည်ဖြစ်ကြောင်း သိရသည်။
အသက် ၃၁ နှစ်ရှိပြီဖြစ်သည့် အင်္ဂလန် လက်ရွေးစင်ကစားသမား ထရစ်ပီယာသည် တနင်္ဂနွေနေ့က ဗီလာအသင်းအား အိမ်ကွင်း ၌ (၁-၀) ဂိုးဖြင့် အနိုင်ရသည့်ပွဲတွင် ဒဏ်ရာရရှိခဲ့ခြင်းဖြစ်ပြီး ဒုတိယပိုင်းအစ ၄၈ မိနစ် မှာပင် လူစားလဲခဲ့ရသည်။
ဓာတ်မှန်ရလဒ် အဖြေအရ ထရစ်ပီယာသည် ဝဲဘက်ခြေ ထောက်ရှိ ငါးချောင်းမြောက် (ခြေသန်း) ခြေဖဝါးအရိုးကျိုးသွားခြင်းဖြစ်ကြောင်း တွေ့ရှိ ခဲ့ရပြီး ရက်သတ္တပတ်အတန်ကြာ အနားယူရတော့မည်ဖြစ်သည်။ “ထရစ်ပီယာအနေနဲ့ ပွဲအပြီးမှာပဲ ချက်ချင်းဓာတ်မှန်ရိုက်ခဲ့ပါတယ်။ Scan ရလဒ်အရ သူ့အနေနဲ့ ဝဲဘက်ခြေ ထောက်ရဲ့ ပÍ္စမမြောက် ခြေဖဝါးရိုးကျိုးသွား တယ်ဆိုတာ တွေ့ရပါတယ်။ ကီရန် အမြန်ဆုံး ပျောက်ကင်းသက်သာစေဖို့ အသင်းမှာရှိတဲ့ သူအားလုံးက ဆုတောင်းပေးနေပါတယ်” ဟု နယူးကာဆယ်အသင်းက ထုတ်ပြန်ခဲ့သည်။
ထရစ်ပီယာသည် ဇန်နဝါရီအပြောင်း အရွှေ့ကာလတွင် အက်သလက်တီကိုအသင်း မှ နယူးကာဆယ်သို့ ပေါင် ၁၂ သန်း+Add-ons ကြေးဖြင့် ပြောင်းရွှေ့လာသူဖြစ်ပြီး ပရီးမီးယားလိဂ်ပြိုင်ပွဲ၌ လေးပွဲကစား နှစ်ဂိုးသွင်းယူပေးထားသည်။ ၎င်းသည် အဲဗာတန်၊ ဗီလာ တို့နှင့် နှစ်ပွဲဆက်တိုက် ပြစ်ဒဏ်ဘောမှတစ်ဆင့် ဂိုးသွင်းယူထားသည်။
