အက်သလက်တီကိုအသင်းသည် ၂၀၂၄ နွေရာသီအပြောင်းအရွှေ့ ကာလ အသင်း၏ပထမဆုံးကစားသမားခေါ်ယူမှုအဖြစ် လာလီဂါပြိုင်ဘက် ဂျီရိုနာအသင်းမှ ယူကရိန်းလက်ရွေးစင်တိုက်စစ်မှူး ဒေါ့ဗ်ဘိခ်အားခေါ်ယူရန် သဘောတူညီမှုရခဲ့ပြီဖြစ်ကြောင်း နာမည်ကျော်အားကစားသတင်းထောက် ဖာဘရီဇီယိုရိုမာနိုကဖော်ပြခဲ့သည်။
အသက် (၂၇)နှစ်အရွယ်ရှိ ဒေါ့ဗ်ဘိခ်သည် ပြီးခဲ့သည့်ရာသီက ဂျီရိုနာအသင်းအတွက် လာလီဂါပွဲစဉ် (၃၆)ပွဲကစားခဲ့ရာတွင် (၂၄)ဂိုးသွင်းယူကာ ပြိုင်ပွဲ၏ရွှေဖိနပ်ဆု (ပီချီချီဆု)ကိုရရှိခဲ့သူဖြစ်ပြီး အက်သလက်တီကို အသင်းအနေဖြင့် အသင်းမှထွက်ခွာသွားသည့် စပိန်ဝါရင့်တိုက်စစ်မှူး မိုရာတာ၏နေရာတွင်အစားထိုးရန် ခေါ်ယူခဲ့ခြင်းဖြစ်သည်။
အက်သလက်တီကိုအသင်းသည် ဒေါ့ဗ်ဘိခ်အားခေါ် ယူရန်အတွက် ပြီးခဲ့သည့် ဇွန်လကတည်းက ကြိုးပမ်းခဲ့ခြင်းဖြစ်ပြီး စာချုပ်ဖျက်သိမ်းကြေး ယူရိုသန်း (၄၀)ပေးချေသွားမည်ဖြစ်ကာ လာမည့်ရက်ပိုင်းအတွင်း အတည်ပြုကြေညာဖွယ်ရှိကြောင်းသိရသည်။
