မန်ယူအသင်းနှင့် လမ်းခွဲခဲ့ပြီဖြစ်သည့် စပိန်ဂိုးသမား ဒီဟေးယားရောက်ရှိမည့်အသင်းအဖြစ် ဆော်ဒီကလပ်များက ရေပန်းအစားဆုံးဖြစ်နေကြောင်း သိရသည်။
ဒီဟေးယားကို ပြီးခဲ့သည့်တနင်္ဂနွေနေ့အထိ တရားဝင်ကမ်းလှမ်းသည့်အသင်း မရှိသေးသော်လည်း ဆော်ဒီပရိုလိဂ်မှ ကလပ်အသင်းများက ခေါ်ယူရန် စိတ်ဝင်စားနေသလို၊ မေဂျာလိဂ်မှ အသင်းများ၊ စပိန်မှ အသင်းများနှင့် ဘိုင်ယန်မြူးနစ်၊ အင်တာမီတို့လည်း စိတ်ဝင်စားနေကြောင်း သိရသည်။
Betfair မှ ထုတ်ပြန်ထားသည့် အလေးပေးမှုများအရ ဆော်ဒီကလပ်များက (၉း၄)လေးဖြင့် ရေပန်းအစားဆုံးဖြစ်နေပြီး မေဂျာလိဂ်က (၃း၁)လေးဖြင့် ဒုတိယနေရာ၊ ဘိုင်ယန်မြူးနစ်က (၉း၂)ဖြင့် တတိယနေရာ၊ ဗလင်စီယာက (၁၅း၂)ဖြင့် စတုတ္ထနေရာတွင် ရှိနေသည်။
