မန်ယူနည်းပြ တန်ဟက်ဂ်သည် ဘရန့်ဖို့ဒ်အသင်းတွင် ခြေစွမ်းပြခဲ့သည့် ဒိန်းမတ်ကွင်းလယ်ကစားသမား အဲရစ်ဆင်ကို မန်ယူအသင်းထံ ခေါ်ယူရန် ဆန္ဒရှိနေကြောင်း သိရသည်။
အဲရစ်ဆင်(၃၀ နှစ်) သည် နှလုံးရောဂါကြောင့် အင်တာမီလန်အသင်း နှင့်လမ်းခွဲခဲ့ရသော်လည်း ဘရန့်ဖို့ဒ်အသင်းနှင့်အတူ ပရီးမီးယားလိဂ်၌ ခြေစွမ်းပြနိုင်ခဲ့သည်။
ထို့ ကြောင့် ဘရန့်ဖို့ဒ်နှင့် (၆)လစာချုပ် သက်တမ်းကုန်ပြီး ပြောင်းရွှေ့ကြေးအလွတ်ဖြင့်ရရှိမည့် အဲရစ်ဆင်ကို ခေါ်ယူလိုသည့်အသင်းများစွာရှိလာသည့်အနက် မန်ယူလည်း ပါဝင်လာခြင်းဖြစ်သည်။
တန်ဟက်ဂ်သည် အေဂျက်စ်ကစားသမားဟောင်း အဲရစ်ဆင်ကို ဘရန့်ဖို့ဒ်နှင့် စာချုပ်မချုပ်ဆိုမီက အေဂျက်စ်အသင်း၌ လေ့ကျင့်ခွင့် ပြုခဲ့သူလည်းဖြစ်သည်။
