လီဗာပူးလ်အသင်းနည်းပြ ယာဂန်ကလော့ပ်ကမူ ရလဒ်ဆိုးများ ကြုံတွေ့နေရသော်လည်း ဇန်နဝါရီအပြောင်းအရွှေ့ကာလတွင် လူအင်အား ဖြည့်တင်းရန် ငွေကြေးမရှိသလို ကစားသမား ခေါ်ယူရန်အတွက် မိမိတစ်ဦးတည်း ဆုံးဖြတ်ခွင့်မရှိကြောင်း ဝန်ခံပြောကြားခဲ့သည်။
“အဲဒီ အပြောင်းအရွှေ့ကိစ္စတွေကို တခြားတစ်ယောက်က ဆုံးဖြတ်တာပါ။ အရင်ကတည်းက ဒီလိုပါပဲ။ ကျွန်တော်တို့အနေနဲ့ အခြေအနေ အရပ်ရပ်နဲ့ပတ်သက်လို့ နေ့စဉ်ဆွေးနွေးကြ ပြီး တစ်ခုခုတိုးတက်လာသလား၊ ဆုတ်ယုတ် သွားသလားဆိုတာ အကြံပြုတင်ပြကြပါတယ်။ ဒါပေမဲ့ ကျွန်တော့်အနေနဲ့ ငွေကြေးသုံးစွဲလို့ မရပါဘူး။ အဲဒီလိုလည်း ဘယ်တုန်းကမှမလုပ်ခဲ့ပါဘူး။ FA ဖလားက မတူကွဲပြားတဲ့ပြိုင်ပွဲ တစ်ခုပါ။ နောက်တစ်ဆင့်ကို ဆက်သွားချင်တာကြောင့် ကောင်းကောင်းကစားနိုင်ဖို့လိုပါတယ်။ ယူနိုက်တက်က ပုံစံကောင်းရနေပြီး ရလဒ်တွေလည်း ကောင်းနေပါတယ်။ ဒါပေမဲ့ ဒီပွဲကိုကစားဖို့ ကျွန်တော်တို့ဘက်က ၁၀၀ ရာခိုင်နှုန်း အဆင်သင့်ဖြစ်နေပါပြီ” ဟု ကလော့ပ်ကပြောကြားခဲ့သည်။
မန်ယူနှင့် လီဗာပူးလ်အသင်းသည် FA ဖလား စတုတ္ထအဆင့်အဖြစ် ယနေ့ မြန်မာစံတော်ချိန် ည ၁၁ နာရီခွဲတွင် အိုးလ်ထရက်ဖို့ဒ်ကွင်း၌ ယှဉ်ပြိုင်ကစားရမည်ဖြစ်သည်။
