အာဂျင်တီးနားကလပ် ရေးဗားပလိတ်အသင်းသည် ဥရုဂွေးဝါရင့်တိုက်စစ်မှူး ဆွာရက်ဇ်အား ခေါ်ယူရန် ကမ်းလှမ်းခဲ့ကြောင်း စပိန်အားကစားသတင်းစာ SPORT က ဖော်ပြခဲ့သည်။
အသက် (၃၅)နှစ်အရွယ်ရှိ ဆွာရက်ဇ်သည် ပြီးခဲ့သည့် ၂၀၂၁-၂၂ ရာသီကုန်တွင် အက်သလက်တီကိုအသင်းနှင့် လမ်းခွဲပြီးနောက် အသင်းလက်မဲ့ဖြစ်နေသူ ဖြစ်သည်။
လက်ရှိတွင် ၎င်းကို လီဗာပူးလ်အသင်းဖော်ဟောင်း ဂျရတ်ကိုင်တွယ်နေသည့် အက်စတွန်ဗီလာအသင်းနှင့် အမေရိကန်မေဂျာလိဂ်ကလပ် အင်တာမိုင်ယာမီအသင်းတို့က စိတ်ဝင်စားနေကြောင်း သိရသည်။
ယခုအခါ ရေးဗားပလိတ်အသင်းသည် အဆိုပါအသင်းများကိုကျော်ကာ ဆွာရက်ဇ်ကို ခေါ်ယူရန် ကြိုးပမ်းခဲ့ခြင်းဖြစ်ပြီး တစ်နှစ်လစာ ပေါင် (၄) သန်းကျော် ပေးချေမည်ဟု ကမ်းလှမ်းခဲ့ကြောင်း SPORT က ဖော်ပြခဲ့သည်။
