မန်စီးတီးအသင်းသည် ဆော်ဒီကလပ် အယ်လ်ဟီလယ်အသင်း၏ ကမ်းလှမ်းခြင်းခံထားရသော ပေါ်တူဂီတိုက်စစ်ကစားသမား ဘာနာဒိုဆေးလ်ဗားကို လစာနှုန်းထားအသစ်ဖြင့် သက်တမ်းတိုးစာချုပ်သစ် ချုပ်ဆို၍ အသင်းတွင် ထိန်းသိမ်းထားနိုင်ရန် စီစဉ်နေကြောင်း သိရသည်။
ဘာနာဒိုဆေးလ်ဗားကို အယ်လ်ဟီလယ်အသင်းက တစ်နှစ်လစာ ပေါင် (၇၅)သန်း ဖြင့် ကမ်းလှမ်းထားခြင်းဖြစ်သည်။ ဘာနာဒိုဆေးလ်ဗားသည် စာချုပ်သက်တမ်း (၂)နှစ်ကျန်ရှိနေသောကြောင့် မန်စီးတီးအသင်းအနေဖြင့် အယ်လ်ဟီလယ် အသင်းထံမှ ပြောင်းရွှေ့ကြေးများစွာ တောင်းဆိုနိုင်မည်ဖြစ်သော်လည်း ၎င်းအား လက်လွတ်မခံလိုသောကြောင့် လစာနှုန်းထားအသစ်ဖြင့် သက်တမ်းတိုးရန် စီစဉ်နေခြင်းဖြစ်သည်။
ပြီးခဲ့သည့်ရာသီ၌ မန်စီးတီးအသင်း ဖလား(၃)လုံးရရှိခဲ့ရာတွင် ဘာနာဒိုဆေးလ်ဗား၏ အခန်းကဏ္ဍမှာလည်း အရေးပါခဲ့သည်။
