ပရီးမီးယားလိဂ် ထိပ်တန်းကစားသမားများအပါအဝင် ကမ္ဘာကျော်ဘောလုံးသမား အများအပြားကို ခေါ်ယူနေသည့် ဆော်ဒီစူပါလိဂ်ပြိုင်ပွဲသည် ယခုအချိန်တွင် ပရီးမီးယားလိဂ်၏ နာမည်ကျော်ကစားသမားတစ်ဦးဖြစ်သည့် ဆာလာအား ခေါ်ယူရန် ပစ် မှတ်ထားနေသည်။
သို့ရာတွင် လီဗာပူးလ်အသင်း၏ အဓိကတိုက်စစ်မှူးတစ်ဦးဖြစ်သည့် ဆာလာ၏ အေးဂျင့်ဖြစ်သူ ရာမီအဘားစ်ကမူ ဆာလာသည် လီဗာပူးလ်အသင်းတွင်သာ ဆက်ကစားရန် အပြည့်အဝဆန္ဒရှိနေကြောင်းနှင့် အသင်းပြောင်းရွှေ့မည်မဟုတ်ကြောင်း အတည်ပြုပြောကြားခဲ့သည်။
လက်ရှိအချိန်တွင် အယ်လ်အစ်တီဟတ်အသင်းက ဆာလာအတွက် ပြောင်းရွှေ့ကြေး ယူရိုသန်း (၆၀) နှင့် တစ်နှစ်လစာငွေ ယူရိုသန်း (၁၈၀) အထိ ပေးချေရန်အသင့်ရှိေကြောင်းလည်းသိရသည်။
သို့သော် ရာမီအဘားစ်ကမူ “ဆာလာက လီဗာပူးလ်အသင်းအတွက် ဆက်ကစားသွားဖို့ပဲ ခေါင်းထဲထည့်ထားပါတယ်။ တကယ်လို့ ဒီနှစ် အသင်းက ထွက်သွားဖို့သာ စဉ်းစားမယ်ဆိုရင် ကျွန်တော်တို့ မနှစ်ကတည်းက (၃) နှစ်သက်တမ်းတိုးစာချုပ်မှာ လက်မှတ်ထိုးခဲ့မှာ မဟုတ်ပါဘူး” ဟု ပြောကြားခဲ့သည်။
