မန်ယူအသင်း၏နည်းပြ ဆိုးလ်ရှားက လက်ရှိအသင်းမှာ ယခုရာသီတွင် ဆုဖလားအားလုံးကို စိန်ခေါ်ရန် အသင့်ဖြစ်နေပြီဟု ယုံကြည်ကြောင်း ပြောကြား ခဲ့သည်။
မန်ယူအသင်းသည် နွေရာသီတွင် စီရော်နယ်လ်ဒို၊ ဗာရန်း၊ ဆန်ချိုစ သည့် ထိပ်တန်းကစားသမားများကို အားဖြည့်နိုင်ခဲ့ပြီး လက်ရှိတွင် ပရီးမီးယားလိဂ်ပြိုင်ပွဲတွင်လည်း အမှတ်ပေးဇယားထိပ်ဆုံး၌ဦးဆောင်ထားနိုင်သည်။
ဆိုးလ်ရှားက ”ကျွန်တော်တို့ (၃)နှစ်အတွင်းမှာ ဆုဖလားတွေကို စိန်ခေါ်နိုင်တဲ့အသင်း ဖြစ်လာမယ်လို့ ပြောခဲ့ပါတယ်။ လက်ရှိ အသင်းက တိုးတက်မှုရော ရင့်ကျက်မှုပါ ရှိလာပါပြီ။ ဆုဖလားအားလုံးကို စိန် ခေါ်နိုင်တဲ့အသင်းဖြစ်လာပြီလို့ ကျွန်တော် ယုံကြည်ပါတယ်”ဟု ဆိုခဲ့သည်။
ဆိိုးလ်ရှားသည် မန်ယူအသင်းကို ၂၀၁၈ ဒီဇင်ဘာလက စတင်ကိုင်တွယ်ခဲ့ပြီး ၄င်းလက်ထက်တွင် မန်ယူအသင်းသည် ပြီးခဲ့သည့် ၂၀၂၁ ယူရိုပါလိဂ်ဗိုလ်လုပွဲကိုတက်ရောက်နိုင်ခဲ့သလိုဆုဖလားများနှင့် နီးစပ်သည့်အခြေအနေသို့ မကြာခဏရောက်ရှိခဲ့သော်လည်း ချန်ပီယံဖြစ်အောင်စွမ်းဆောင်ထားနိုင်ခြင်းမရှိသေးပေ။
