ပြိုင်ဘက်ကစားသမား အီဗနီဆင်အားတာဆီးခဲ့မှုတွင် ပြင်သစ်နိုင်ငံသား ဆာလီဘာက ကနဦးတွင် ပြစ်ဒဏ်ကနေ သက်သာခဲ့တာဖြစ်ပါတယ်။
အဆိုပါ ဂိုးသွင်ဖို့ကြိုးစားမှုကို တားဆီးရန်အတွက် ဘန်ဝှိုက်က လုံလောက်တဲ့ အကွာအဝေးတွင်ရှိနေတယ်လို့ ကွင်းလယ်ဒိုင်က ယုံကြည်ခဲ့သော်လည်း VAR ကြည့်ရှုပြီးနောက်မှာတော့ ဆုံးဖြတ်ချက်ကိုပြန်လည်ပြင်ဆင်ခဲ့ပါတယ်။
ဒါကြောင့် ဆာလီဘာဟာ သူ့ရဲ့ကစားသမားဘဝ ပထမဦးဆုံး အနီးကဒ် ပြသခြင်းခံခဲ့ရပြီး လီဗာပူးနှင့် ကစားမယ့်ပွဲကို လွဲချော်ခဲ့ရာကာ အာဆင်နယ်ကလည်း ၁-၀ ဂိုးဖြင့် ရှုံးနိမ့်ခဲ့ပါတယ်။ အယူခံဝင်ဖို့အတွက် အာဆင်နယ်ကစဉ်းစားခဲ့သော်လည်း VAR ရဲ့ ဆုံးဖြတ်ချက်ကိုထောက်ခံတဲ့ ဟောင်းဝပ်ဝက်ပ်က ဒါဟာအချိန်ဖြုန်းခြင်းသာဖြစ်ပြီး ထရိုဆက်ရဲ့ ပေးပို့မှုကိုသာအပြစ်တင်ရမှာဖြစ်တယ်လို့ ပြောလိုက်ပါတယ်။
“ဆာလီဘာရဲ့ အီဗနီဆင်ကို တားဆီးတဲ့အနေအထားက ဂိုးရရှိနိုင်တဲ့ အခွင့်အရေးဖြစ်ပါတယ်လို့ ထင်ပါတယ်”
“ကွင်းထဲမှာတုန်းက အဝါကဒ်ပြသခဲ့တဲ့ ဂျုံးစ်ရဲ့ ဆုံးဖြတ်ချက်က မှားပါတယ်”
“ဒါဟာ ထရိုဆက်ရဲ့ ပေးပို့မှု အမှားကနေဖြစ်တာဖြစ်ပြီး ဆာလီဘာက အီဗနီဆင်ကို တားဆီးခဲ့ရတာဖြစ်ပါတယ်။ အာဆင်နယ်အသင်းက ဘောလုံးပိုင်ဆိုင်မှုရရှိသွားတဲ့အခါမှာတော့ ကွင်းလယ်ဒိုင်အနေနဲ့ ဆုံးဖြတ်ချက်ကို လျင်လျင်မြန်မြန် ချရတော့တာဖြစ်ပါတယ်”
“တစ်ခါတလေမှာ ရှင်းလင်းနေတဲ့ ဂိုးသွင်းခွင့်ကို ငြင်းပယ်ဖို့အတွက် စိတ်ကိုပြင်ဆင်ဖို့အချိန်ရှိပါတယ်”
“ကနှစ်ဦးမှာတော့ ဘန်ဝှိုက်က လုံလောက်တဲ့အနေအထားမှာရှိတယ်လို့ထင်ခဲ့တာပါ။ အီဗနီဆင်က ဘောလုံးကိုထိန်းချုပ်နိုင်မယ်လို့လည်း ကွင်းလယ်ဒိုင်က မထင်ခဲ့တာပါ”
“ဒီနေရာမှာ ကွင်းအတွင်းက ဆုံးဖြတ်ချက်မှားနေတယ်ဆိုတာကို သက်သေပြဖို့အတွက် VAR မှာ အချက်နှစ်ချက်ရှိပါတယ်။ ပထမတစ်ခုကတော့ ဘန်ဝှိုက်က အဝေးမှာရှိနေတာပါ”
“အဲဒီနေရာကနေ သူက အီဗနီဆင်ထံ သွားဖို့မလုပ်ခဲ့ပါဘူး။ ဒုတိယတခုကတော့ ဂိုးသမား ရာယာရဲ့ နောက်ဆုတ်သွားတာကိုတွေ့နိုင်ပါတယ်။ ဘောလုံးက အီဗနီဆင်ရဲ့ ရှေ့သို့ကျခဲ့ပြီး ဂိုးနှစ်ဝေးကွာနေသော်လည်း သူက ဘောလုံးကို ရရှိတော့မှာဖြစ်ပါတယ်”
“ဂိုးသမားထံ အကောင်းဆုံးကန်သွင်းဖို့အတွက် သူ့မှာလုံလောက်တဲ့အချိန်ရှိပါတယ်”
“ကျနော်အတွက်ကတော့ VAR ကြားဝင်ဆုံးဖြတ်ပေးမှုက မှန်ကန်တယ်လို့ထင်ပါတယ်” လို့ ဟောင်းဝပ်ဝက်ပ်က ပြောပါတယ်။
