ဆန်ချိုကို ပေါင်သန်း ၅၀ ပေး၍ခေါ်ယူရန် စပါးအသင်းစဉ်းစားနေ

စပါးအသင်းသည် မန်ယူအသင်းတောင်ပံကစားသမား ဆန်ချိုကို ပြောင်းရွှေ့ကြေးပေါင်သန်း ၅၀ ပေး၍ ခေါ်ယူရန် စဉ်းစားနေသည်။ ဆန်ချိုသည် ၂၀၂၀ တွင် ဒေါ့မွန်မှ မန်ယူသို့ပြောင်းရွှေ့ကြေးပေါင် ၇၃ သန်းဖြင့် ရောက်ရှိလာခဲ့သည်။ ဆန်ချိုသည် မန်ယူသို့ရောက်ရှိပြီးနောက် ဒဏ်ရာပြဿနာများနှင့် ရင်ဆိုင်နေရသလို ခြေစွမ်းမပြနိုင်သည့် ပြဿနာအချို့ကိုလည်း ရင်ဆိုင်နေရသည်။

အသက် ၂၃ နှစ်အရွယ်ရှိ ဆန်ချိုသည် ပြီးခဲ့သည့်ရာသီတွင် ခြေစွမ်းနှင့်စိတ်ဓာတ်တိုးတက်စေရန်ဟူသော အကြောင်းပြချက်ဖြင့် တန်းဟက်က နယ်သာလန်သို့စေလွတ်၍ လေ့ကျင့်စေခြင်းများကိုပင် ရင်ဆိုင်ခဲ့ရသည်။ ဆန်ချိုသည် အသင်းအတွက် ပြီးခဲ့သည့်ဘောလုံးရာသီတွင် စုစုပေါင်း ၄၁ ပွဲကစားပြိး ခြေစွမ်းပြနိုင်သည့် အခိုက်အတန့်တချို့ရှိခဲ့သော်လည်း စုစုပေါင်း ၇ ဂိုးသာသွင်းယူနိုင်ခဲ့သည်။

မန်စီးတီးလူငယ်အကယ်ဒမီထွက်ဆန်ချိုအတွက် စပါးက ပေါင်သန်း ၅၀ ပေး၍ ခေါ်ယူလိုနေသော်လည်း မန်ယူက ဆန်ချို၏ပြောင်းရွှေ့ကြေးကို ပေါင်သန်း ၆၀ ခန့်သတ်မှတ်ထားသည်။ စပါးအသင်းမန်နေဂျာသစ် ပေါ်စတီကိုလူသည် လက်စတာအသင်းကစားကွက်ဖန်တီးရှင်ဂျိမ်းမက်ဒီဆင်ကိုလည်း စိတ်ဝင်စားနေပြီး ပေါင်သန်း ၄၀ ပေး၍ ခေါ်ယူနိုင်ရန်ဆွေးနွေးမှုများစတင်နေသည်။

ဆန်ချိုကို အသင်းဟောင်းဒေါ့မွန်ကလည်း ပြန်ခေါ်ရန်စဉ်းစားနေပြီး အငှားဖြင့်ပြန်ခေါ်နိုင်ရေး ဆွေးနွေးလာဖွယ်ရှိနေသည်။