◘ လာဇီယို – အေစီမီလန် (မြန်မာစံတော်ချိန် ဇန်နဝါရီလ ၂၅ ရက် နံနက် ၂း၁၅ နာရီ)
အေစီမီလန်က လာဇီယိုနဲ့တွေ့ဆုံတဲ့ နောက်ဆုံး (၆)ပွဲမှာ (၅)ပွဲအထိ အနိုင်ရခဲ့ပြီး အနိုင်ရတဲ့ပွဲတိုင်းလည်း ဂိုးမြူးခဲ့တာ တွေ့ရတယ်။ လက်ရှိပုံစံအရလည်း ရောမမြို့ခံအသင်းထက် အေစီမီလန်က ကစားပုံ ပိုတည်ငြိမ်ပါတယ်။ လက်ချီနဲ့ပွဲတုန်းက အေစီမီလန် မထင်မှတ်ဘဲ ရုန်းကန်ခဲ့ရတာဖြစ်ပြီး ဒီပွဲကိုတော့ ဂရုတစိုက်ကစားပါလိမ့်မယ်။ လာဇီယိုက ချန်ပီယံလိဂ်ပစ်မှတ်ထားနေတဲ့ အသင်းဖြစ်ပေမဲ့ ခံစစ်ကတည်ငြိမ်မှု ကင်းမဲ့နေပြီး မပေးသင့်တဲ့ ဂိုးတွေပေးနေရတယ်။ ဒါ့အပြင် တိုက်စစ်မှူး အီမိုဘီလီကိုယ်တိုင် (၃)ပွဲဆက် ဂိုးပေါက်ပျောက်ထားတယ်။ ရောမမြေမှာ ကစားရမှာဖြစ်ပေမဲ့ အေစီမီလန် ရလဒ်ကောင်းနိုင်ပြီး ဂိုးများနိုင်တယ်။
◘ ဆောက်သမ်တန် – နယူးကာဆယ် (မြန်မာစံတော်ချိန် ဇန်နဝါရီလ ၂၅ ရက် နံနက် ၂း၃၀ နာရီ)
မန်စီးတီးကိုကျော်ဖြတ်လာတဲ့ ဆောက်သမ်တန်အသင်းရဲ့အစွမ်းအစက နယူးကာဆယ်အသင်းကို ကောင်းကောင်း ခြိမ်းခြောက်နိုင်စွမ်းရှိတယ်။ ပရီးမီးယားလိဂ်မှာ ဇယားအောက်ဆုံးရောက်နေလို့ ဆောက်သမ်တန်အသင်း ဗျာများနေပေမဲ့ လွယ်လွယ်နဲ့တော့ အလျှော့ပေးသွားမယ့် အနေအထားမရှိပါဘူး။ ဒါပေမဲ့ ဆောက်သမ်တန်ကွင်းမှာ နောက်ဆုံးတွေ့ဆုံမှု(၂)ပွဲဆက် နယူးကာဆယ်က အနိုင်ယူထားခဲ့တယ်။ အရင်က လိဂ်ဖလားကို အာရုံမထားတဲ့ နယူးကာဆယ် ပိုင်ရှင်သစ်လက်ထဲမှာ ခံယူ ချက်ပြောင်းလဲသွားတာ တွေ့ရတယ်။ ဖလားပွဲတွေဆို အားထုတ်ကစားလေ့ရှိတဲ့ ဆောက်သမ်တန်ပဲ ကြိုက်တယ်။
