မန်ယူအသင်း၏ ကစားသမားဟောင်း ဗလင်စီယာ က အပြောင်းအရွှေ့သတင်းများ ထွက်ပေါ်နေသည့် တိုက်စစ်မှူး စီရော်နယ်လ်ဒိုကို အသင်းမှ ထွက်ခွာခွင့်ပြုသင့်သည်ဟု ပြောကြားခဲ့သည်။
ဗလင်စီယာ(၃၇ နှစ်)သည် မန်ယူအသင်းတွင် ပြိုင်ပွဲစုံပွဲပေါင်း(၃၀၀)ကျော် ကစားခဲ့ဖူးသူဖြစ်ပြီး နည်းပြ မော်ရင်ဟိုလက်ထက်၌ အသင်းခေါင်း ဆောင်အဖြစ် ဆောင်ရွက်ခဲ့ဖူးသူလည်းဖြစ်သည်။
အီကွေဒေါအသင်းခေါင်းဆောင်ဟောင်းလည်းဖြစ်သည့် ဗလင်စီယာက “ကစားသမားတစ်ယောက် အသင်းမှာ သက်သောင့်သက်သာမဖြစ်တာ ကြာလာပြီဆိုရင် တံခါးတွေ ဖွင့်ပေးလိုက်သင့်ပါတယ်။ မန်ယူအသင်းက အသင်းမှာနေချင်တဲ့ ကစားသမားတွေကိုပဲ လိုအပ်တဲ့အသင်းပါ။ စီရော်နယ်လ်ဒိုက အလွန်ထူးချွန်တဲ့ ကစားသမားဖြစ်ပေမဲ့ အသင်းမှာ ဆက်မနေချင်ရင် ထွက်ခွင့်ပြုသင့်ပါတယ်။ သူတို့က အကောင်းဆုံးအရာတွေ ချန်ထားပေးခဲ့ပါလိမ့်မယ်” ဟု ပြောကြားခဲ့သည်။
