ဆော်ဒီလိဂ်တွင် သွားရောက်ကစားနေသည့် စီရော်နယ်လ်ဒိုနှင့် ပတ်သက်ပြီး ပေါ်တူဂီလက်ရွေးစင်အသင်းနည်းပြ ရောဘတ်တိုမာတီနက်ဇ်က အကောင်းမြင်သည့်မှတ်ချက်ပေးခဲ့သည်။
စီရော်နယ်လ်ဒိုသည် ဥရောပလိဂ်ပြိုင်ပွဲတွင် ကစားနေသူ မဟုတ်သော်လည်း ပေါ်တူဂီအသင်းကို အကူအညီဖြစ်စေမည်ဟု မာတီနက်ဇ်က ဆိုခဲ့ခြင်းဖြစ်သည်။
“ခရစ္စတီယာနိုနဲ့ ပီပီဟာ ပေါ်တူဂီဘောလုံးရဲ့ စံနမူနာတွေပါပဲ။ သူတို့ ရဲ့အတွေ့အကြုံနဲ့ အကြံဉာဏ်အားလုံးကို လူငယ်ကစားသမားတွေအတွက် လိုအပ်ပါတယ်။ ကျွန်တော်တို့ကစားသမားတွေအတွက် စွမ်းဆောင်ရည်မြင့်ပြီး ပြိုင်ပွဲဝင်လိုစိတ်ပြင်းထန်တဲ့ ပတ်ဝန်းကျင်တစ်ခု လိုပါတယ်” ဟု မာတီနက်ဇ်က ပြောကြားခဲ့သည်။
အသက်(၃၈)နှစ်အရွယ်ရှိ စီရော်နယ်လ်ဒိုမှာ ပေါ်တူဂီလက်ရွေးစင်အသင်းအတွက် (၁၉၉)ပွဲကစားကာ (၁၂၂)ဂိုး သွင်းယူထားပြီး ဇွန်လ (၂၀)ရက်(ယနေ့)တွင်ကစားမည့် အိုက်စလန်နှင့် အဝေးကွင်းပွဲ၌ နိုင်ငံတကာပွဲ (၂၀၀)ပြည့်မြောက်မည်ဖြစ်သည်။
