စပိန်အသင်းနည်းပြ လူးဝစ်အင်းနရစ်က ခရိုအေးရှားအသင်းအား အချိန်ပိုကစားပြီး (၅-၃)ဂိုးဖြင့် အနိုင်ရသည့်ပွဲပြီးနောက် အသင်းအတွက် အရေးပါသည့်စတုတ္ထဂိုး သွင်းယူပေးခဲ့သည့် တိုက်စစ်မှူး မိုရာတာကို ပွဲအပြီးတွင် ချီးကျူးစကားဆိုခဲ့သည်။
ပွဲချိန်မိနစ် ၂၀ တွင် ဂိုးသမား အူနိုင်းဆိုင် မွန်၏စိတ်ပျက်ဖွယ်အမှားကြောင့် စပိန်အသင်း နောက်မှလိုက်ကစားခဲ့ရသော်လည်း ဆာရာဘီယာ(၃၈ မိနစ်)၊ အက်ဇ်ပီလီကွယ် တာ(၅၇ မိနစ်)၊ ဖယ်ရန်တောရက်စ်(၇၇ မိ နစ်)တို့၏ဂိုးများကြောင့် အနိုင်ရလုနီးပါးဖြစ် ခဲ့ပြီး အော်ရှစ်(၈၅ မိနစ်)၊ ပါရှာလစ်(၉၂ မိ နစ်)တို့က နောက်ကျချေပဂိုးများ ပြန်သွင်းသဖြင့် အချိန်ပိုဆက်ကစားခဲ့ရခြင်းဖြစ်သည်။ အချိန်ပိုတွင် မိုရာတာ(၁၀၀ မိနစ်)၊ အော်ယာ ဇာဘယ်လ်(၁၀၃ မိနစ်)တို့က အနိုင်ဂိုးများ သွင်းပြီး စပိန်အသင်းကို ကွာတားတက်စေခဲ့သည်။
“ဒီအကြောင်း ကျွန်တော် လပေါင်းများ စွာ ပြောခဲ့ပြီးပါပြီ။ ကျွန်တော်တို့ဟာ သွင်းဂိုး တွေအတွက် ကစားသမားတစ်ယောက်အ ပေါ် မမှီခိုပါဘူး။ ကမ္ဘာပေါ်မှာ မိုရာတာကို မချီးကျူးတဲ့နည်းပြတစ်ဦးဦး ရှိမယ်လို့လည်း ကျွန်တော် မယူဆပါဘူး။ သူက အသင်းအ တွက် အစွမ်းကုန်ပေးဆပ်ခဲ့တယ်။ နောက် တန်းမှာကစားရင်လည်း ခံစစ်ကို ကာကွယ် နိုင်တယ်။ လေထဲမှာ ဘောလုံးလက်ဦးမှု ရယူ နိုင်သူဖြစ်ပြီး ဂိုးတွေသွင်းနိုင်သလို၊ ကြံ့ခိုင်သူ လည်းဖြစ်ပါတယ်။ သူက စပိန်နိုင်ငံသား ဖြစ်ပြီး အသင်း မှာရှိနေတာ ကျေးဇူးတင်ရမယ်”ဟု လူးဝစ်အင်းနရစ်က ပြောကြားခဲ့သည်။
မိုရာတာသည် ယူရိုပြိုင်ပွဲတွင် သွင်းဂိုး ငါးဂိုးအထိရှိလာပြီး စပိန်အသင်းသမိုင်း၌ ယူရို သွင်းဂိုးအများဆုံးဖြစ်သူ တောရက်စ်၏စံချိန်ကို လိုက်မီခဲ့သည်။
