ဆယ်လ်တာဗီဂို – ဗယ်လာဒိုလစ် (တနင်္ဂနွေည ရး၃၀ နာရီ)
ဒီပွဲကတော့ ဆယ်လ်တာဗီဂိုရဲ့ အိမ်ကွင်းတိုက်စစ်အား နဲ့ ဗယ်လာဒိုလစ်ရဲ့ အဝေးကွင်းခံစစ် အားပြိုင်မယ့်ပွဲမျိုးပါပဲ။ ဆယ်လ်တာဗီဂို နိုင်ပွဲပြန်ယူရတော့မယ့်အချိန်ဖြစ်လို့ ဗယ်လာဒို လစ် တောင့်ခံနိုင်ဖို့မလွယ်ပါဘူး။ ဆယ်လ်တာဗီဂိုနဲ့ ဂိုးအနည်းပါပဲ။
ကာဒစ်ဇ် – ဘက်တစ် (တနင်္ဂနွေည ၉း၄၅ နာရီ)
ကာဒစ်ဇ်ကလည်း မထင်ရင်မထင်သလို လုပ်ပြတဲ့အသင်း ဖြစ်နေတယ်။ တန်းတက်အသင်းတွေထဲ ခြေစွမ်းကောင်းပြီး ကွင်းမရွေးကစားတတ်တဲ့ အသင်းလည်းဖြစ်လို့ အိမ်ရှင် ဘက် တစ်ကို အခက်တွေ့စေဦးမှာပါ။ ဂိုးနည်းသရေပွဲလို့ပဲ ထင်တယ်။
ဂရန်နာဒါ – အယ်လ်ချီ (တနင်္ဂနွေည ၁၂းဝ၀ နာရီ)
ပုံမှန်အရဆို အိမ်ရှင် ဂရန်နာဒါက အယ်လ်ချီထက် သိသိ သာသာကို အသာရနေတာမှန်ပေမဲ့ လတ်တလောအချိန်မှာတော့ ယူရိုပါလိဂ်ဘက် အာရုံပိုစိုက်တတ်တဲ့ ဂရန်နာဒါကို သိပ်ပြီးစိတ် ချထားလို့ မရဘူးထင်တယ်။ အယ်လ်ချီရဲ့ ရုန်းထွက်အားနဲ့ တောင့်ခံကစားနိုင်စွမ်းတွေအရတော့ ဒီပွဲကို သရေပွဲလို့ပဲ မှန်း ထားချင်တယ်။ ဂိုးလည်း နည်းမယ်။
ဗီလာရီးယဲလ် – အက်သလက်တီကို (တနင်္လာနံနက် ၂း၃၀ နာရီ)
လီဗန်တေးနဲ့ (၂)ပွဲဆက်ကစားပြီး ရမှတ် (၅)မှတ်အထိ ဆုံးရှုံးခဲ့ရတဲ့ အက်သလက်တီကိုအတွက် ပေါ့ဆလို့ သိပ်မရတော့ ဘူး။ ဒါ့အပြင် ကြားရက်မှာယှဉ်ပြိုင်ခဲ့တဲ့ ချန်ပီယံလိဂ်မှာလည်း ချယ်လ်ဆီးအသင်းကို ရှုံးနိမ့်ခဲ့လို့ ဒီပွဲအတွက် စိတ်ပိုင်းဆိုင်ရာ သက်ရောက်မှုလည်း အနည်းနဲ့အများ ရှိနိုင်တယ်။ အခုက ချန် ပီယံလိဂ်အပြင် ဗီလာရီးယဲလ်၊ ရီးယဲလ်မက်ဒရစ်တို့လို အသင်း တွေနဲ့ပါ ပွဲကျပ်တွေ ဆက်တိုက်ကစားရမယ့်အချိန်ဖြစ်လို့ အက် သလက်တီကိုအတွက် သတိထားကျော်ဖြတ်ရမယ့်အချိန်ဖြစ် နေတယ်။ ဗီလာရီးယဲလ်ကလည်း ခုတလော ဒဏ်ရာပြဿနာ တွေနဲ့ ရလဒ်ပိုင်းသိပ်မကောင်းလှပေမဲ့ ကစားပုံ၊ ကစားအား ကောင်းပြီး နည်းပြနဲ့ ကစားသမားတွေက အတွေ့အကြုံများသူ တွေဖြစ်လို့ အက်သလက်တီကိုကို အခက်တွေ့အောင် ပြန်လုပ် နိုင်တဲ့အသင်းလို့ ပြောနိုင်တယ်။ ဒါ့အပြင် ဗီလာရီးယဲလ်တို့ လာ လီဂါမှာ နိုင်ပွဲပျောက်နေတယ်ဆိုပေမဲ့ သူတို့ကို အနိုင်ယူဖို့ အ သင်းတိုင်း ခက်ခဲစွာကစားနေရတာကိုကြည့်ရင် အက်သလက် တီကိုလည်း အနိုင်ရဖို့ မလွယ်ပါဘူး။ ဂိုးနည်းသရေပွဲပဲ ထင်တယ်။
