စပါးအသင်း၏ အင်္ဂလန်လက်ရွေးစင်တိုက်စစ်မှူး ဟာရီကိန်းသည် အသင်းမှထွက်ခွာခွင့်ရရန်အတွက် အသင်းဥက္ကဋ္ဌ လီဗီအား ကိုယ်တိုင်ကိုယ်ကျတွေ့ဆုံကာ တောင်းဆိုသွားမည်ဖြစ်ကြောင်း ဗြိတိန်သတင်းစာ Telegraphက ဖော်ပြခဲ့သည်။
ဟာရီကိန်းသည် ပြီးခဲ့သည့် ယူရို -၂၀၂၀ ပြိုင်ပွဲတွင် အင်္ဂလန်လက်ရွေးစင်အသင်းနှင့်အတူ ဗိုလ်လုပွဲအထိ ယှဉ်ပြိုင်ခဲ့ရ၍ လက်ရှိတွင် အားလပ်ရက်အဖြစ် အနားယူလျက်ရှိနေသည်။
၎င်းအနေဖြင့် အားလပ်ရက်များအပြီး အသင်းသို့ပြန်လည်ရောက်ရှိချိန်၌ လီဗီနှင့်တွေ့ဆုံဆွေးနွေးသွားရန် စီစဉ်ထားကြောင်း Telegraphက ဖော်ပြခဲ့သည်။
ဟာရီကိန်းသည် သူ၏ အင်္ဂလန်အသင်းဖော်ကွင်းလယ်လူ ဂရီးလစ်ရှ်နှင့်အတူ မန်စီးတီးအသင်းသို့ပြောင်းရွှေ့ကစားရန် ဆန္ဒပြင်းပြနေသည်။
ထို့ကြောင့် သူ၏ရည်ရွယ်ချက်ကို လီဗီအား အသိပေးရန်နှင့် အသင်းမှထွက်ခွင့်တောင်းရန် စိတ်ပိုင်းဖြတ်ထားပြီးဖြစ်ကြောင်း Telegraphက ဖော်ပြခဲ့သည်။
မန်စီးတီးအသင်းသည် ဘာစီလိုနာအသင်းသို့ပြောင်းရွှေ့သွားသော ၀ါရင့်တိုက်စစ်မှူး အဂွဲရိုးနေရာတွင် ပြန်လည်အစားထိုးရန် ဟာရီကိန်းကို ပစ်မှတ်ထားနေလျက်ရှိသည်။
စပါးအသင်းကမူ မြင့်မားသောပြောင်းရွှေ့ကြေးဖြင့်ကမ်းလှမ်းသည့်တိုင် ၎င်းတို့၏ကစားသမားကိုရောင်းချရန် ဆန္ဒမရှိကြောင်း လေသံပစ်ထားသည်။
ဟာရီကိန်းအ နေဖြင့် စပါးအသင်းတွင် စာချုပ်သက် တမ်း (၃)နှစ် ကျန်ရှိနေသေးကြောင်း သိရှိရသည်။
