၂၀၂၄ ခုနှစ်တွင် စပါးအသင်းနှင့် စာချုပ်သက်တမ်းကုန်ဆုံးမည့် အင်္ဂလန်တိုက်စစ်မှူး ဟာရီကိန်းက မိမိအနေဖြင့် အသင်းနှင့် စာချုပ်သစ်ကိစ္စအတွက် မဆွေးနွေးရသေးကြောင်းနှင့် လက်ရှိတွင် အသင်းအတွက် ဆုဖလားရယူပေးရန်သာ အပြည့်အဝအာရုံစိုက်ထားကြောင်း ပြောကြားခဲ့သည်။
ဟာရီကိန်းသည် ဇန်နဝါရီ (၂၃)ရက်က ကစားခဲ့သည့် ပရီးမီးယားလိဂ်ပွဲစဉ် ဖူလ်ဟမ် (ဝ-၁) စပါးပွဲတွင် စပါးအသင်းအတွက် တစ်လုံးတည်းသော အနိုင်ဂိုးကို သွင်းယူပေးခဲ့ပြီးနောက် အသင်းသမိုင်းတစ်လျှောက် ဂိုးသွင်းအများဆုံးအဖြစ် ရပ်တည်နေသည့် အင်္ဂလန်ဂန္ထဝင်တိုက်စစ်မှူး ဂျင်မီဂရိဗ်စ် (၂၆၆ ဂိုး)၏ စံချိန်ကို လိုက်မိခဲ့သည်။
သို့သော်အသက် (၂၉) နှစ်အရွယ်ရှိ ဟာရီကိန်းသည် စပါးအသင်းနှင့်အတူ ယခုအချိန်ထိဆုဖလားတစ်လုံးမျှ ရယူနိုင်ခြင်း မရှိသေးပေ။ ၎င်း၏လက်ရှိစာချုပ်မှာ ၂၀၂၄ ခုနှစ်တွင် ကုန်ဆုံးမည်ဖြစ်ရာ ဆုဖလားများ ရယူလိုနေသည့် ဟာရီကိန်းအနေဖြင့် စပါးအသင်းနှင့် စာချုပ်သစ်ထပ်မချုပ်ဘဲ အသင်းပြောင်းရွှေ့သွားနိုင်သည်ဟု သုံးသပ်မှုများရှိနေသည်။
ဟာရီကိန်းက “(စာချုပ်သစ်ကိစ္စနဲ့ပတ်သက်ပြီး) စကားသိပ်မပြောဖြစ်ပါဘူး။ လာမယ့်လတွေမှာတော့ ဆွေးနွေးမှုတွေရှိလာမယ်ဆိုတာ သေချာပါတယ်။ ဒါပေမဲ့ ကျွန်တော်ကတော့ အခုရာသီမှာ အကောင်းဆုံးစွမ်းဆောင်နိုင်ဖို့ကိုပဲ အာရုံစိုက်ထားပါတယ်။ ကစားရမယ့်ပွဲတွေ အများကြီးရှိနေသေးတာပါ။ ချန်ပီယံလိဂ်ဝင်ခွင့်ရဖို့ ကြိုးစားရမယ်။ FA ဖလားနဲ့ ချန်ပီယံလိဂ်မှာ ဗိုလ်စွဲအောင် ကြိုးစားလို့ရသေးတယ်။ ကောလာဟလတွေ ထွက်နေတာကို သိပါတယ်။ ဒါပေမဲ့ ကိုယ်လုပ်နိုင်တာကိုပဲ အာရုံစိုက်ထားပါတယ်” ဟု ပြောကြားခဲ့သည်။
ဟာရီကိန်းသည် ၂၀၁၁ ခုနှစ်တွင် စပါးအသင်းနှင့်အတူ ပရော်ဖက်ရှင်နယ်ကစားသမားဘဝကို စတင်ခဲ့ပြီး လူငယ်ကစားသမားဘဝတွင် အသင်းငယ်များသို့ အငှားသွားကစား ခဲ့သည်မှအပ စပါးအသင်းတစ်သင်းတည်းတွင် ကစားခဲ့သူဖြစ်သည်။
ဟာရီကိန်းသည် ပရီးမီးယားလိဂ်ရွှေဖိနပ်ဆု (၃)ကြိမ် ရယူထားသော်လည်း ကစားသမားဘဝတွင် ဆုဖလားရယူနိုင်ခြင်း မရှိသေးပေ။
ရက်က ကစားခဲ့သည့် ပရီးမီးယားလိဂ်ပွဲစဉ် ဖူလ်ဟမ် (ဝ-၁) စပါးပွဲတွင် စပါးအသင်းအတွက် တစ်လုံးတည်းသော အနိုင်ဂိုးကို သွင်းယူပေးခဲ့ပြီးနောက် အသင်းသမိုင်းတစ်လျှောက် ဂိုးသွင်းအများဆုံးအဖြစ် ရပ်တည်နေသည့် အင်္ဂလန်ဂန္ထဝင်တိုက်စစ်မှူး ဂျင်မီဂရိဗ်စ် (၂၆၆ ဂိုး)၏ စံချိန်ကို လိုက်မိခဲ့သည်။){kind=link}