လန်ဒန်ကလပ် စပါးအသင်းတွင် အသင်း၏အဓိကတိုက်စစ်မှူး ဟာရီကိန်းနှင့်အသင်းဥက္ကဋ္ဌလီဗီတို့ အကြားဆက်ဆံရေးပြိုကွဲနေပြီး ၎င်းတို့နှစ်ဦးအကြား စကားဆက်သွယ် ပြောဆိုမှုမရှိကြောင်း ဗြိတိန်မီဒီယာများက ဖော်ပြခဲ့ကြသည်။
ဗြိတိန်သတင်းစာ The Athletic ၏ဖော်ပြချက်အရ ၎င်းတို့ (၂) ဦးအကြား ဆက်ဆံရေး အဆင်မပြေသဖြင့် ဟာရီကိန်းမှာ စပါးအသင်းတွင် ဆက်မကစားလိုတော့ဘဲ ယခုနွေရာသီတွင် အသင်းပြောင်းရွှေ့ရန် စီစဉ်နေပြီဖြစ်ကြောင်း သိရှိရသည်။
ဟာရီကိန်းနှင့် လီဗီအကြားဆက်ဆံရေး အဆင်မပြေဖြစ်ခြင်းကြောင့် စပါးအသင်းက နည်းပြသစ်အဖြစ် နူနိုဆန်တို အား ခန့်အပ်သည့်အကြောင်းကို အသင်း၏အဓိကတိုက်စစ်မှူးဖြစ်သူ ဟာရီကိန်းထံ အသိပေးခဲ့ခြင်းမရှိကြောင်း သိရသည်။
ဟာရီကိန်းအားခေါ်ယူရန် စပါး အသင်း၏ ပရီးမီးယားလိဂ်ပြိုင်ဘက် မန်စီးတီး၊ ချယ်လ်ဆီးအစရှိသည့်အသင်းများက ပစ်မှတ်ထားနေကြောင်း သိရှိရသည်။ The Athletic ၏ ဖော်ပြချက်အရ ယင်းအသင်းများအနေ ဖြင့် ဟာရီကိန်းအား ပြောင်းရွှေ့ကြေး ပေါင်သန်း(၁၀၀)ခန့်သုံးစွဲပြီး ခေါ်ယူရရှိနိုင်ကြောင်း သိရှိရသည်။
