စပါးအသင်း၏ ဥက္ကဋ္ဌဖြစ်သူ ဒန်နီယယ်လီဗီက တိုက်စစ်မှူး ဟာရီကိန်းအနေဖြင့် လက်ရှိ အသင်းတွင် ဆုဖလားရနိုင်သည်ဟု ပြောကြားခဲ့သည်။
အင်္ဂလန်တိုက်စစ်မှူး ဟာရီကိန်းသည် စပါးအသင်းတွင် သွင်းဂိုးမှတ်တမ်းကောင်းများ ရယူကာ ခြေစွမ်းပြနေသော်လည်း ဆုဖလား အောင်ပွဲရယူနိုင်ခြင်းမရှိသည့်အတွက် အသင်းပြောင်းရွှေ့ရန် ဆန္ဒရှိနေကြောင်း သတင်းထွက်နေသည်။
ထို့ကြောင့် လီဗီက “စပါးမှာ သူ ဆုဖလားအောင်ပွဲ ရယူနိုင်ခြေရှိပါတယ်။ ဒါပေမဲ့ အသင်းရဲ့ ဂန္ထဝင်တစ်ယောက်ဖြစ်ရတာလည်း အရေးပါပါတယ်။ တစ်နေ့ ကျွန်တော်တို့ကွင်းရဲ့အပြင်ဘက်မှာ သူ့ရုပ်တု ရှိလာဖို့လည်း မျှော်လင့်ပါတယ်”ဟု ပြောကြားခဲ့သည်။
အသက် (၂၉) နှစ်အရွယ်ရှိ အင်္ဂလန်လက်ရွေးစင်အသင်းခေါင်းဆောင် ဟာရီကိန်းသည် ၂၀၂၄ ခုနှစ်တွင် စပါးအသင်းနှင့် စာချုပ်သက်တမ်းကုန်ဆုံးမည်ဖြစ်သည်။
လက်ရှိတွင် ဟာရီကိန်းကို ခေါ်ယူရန် ပရီးမီးယားလိဂ်ပြိုင်ဘက် မန်ယူအသင်းက ရေပန်းအစားဆုံးဖြစ်နေကြောင်း သိရသည်။
