စပါးနှင့်ပွဲရွှေ့ဆိုင်းမှုအတွက် ဝေဖန်သူများကို အာတီတာ တုံ့ပြန်

အာဆင်နယ်နည်းပြ အာတီတာက စပါးနှင့်ပွဲရွှေ့ဆိုင်းခဲ့ခြင်းအတွက် ဝေဖန်သူများကို မိမိတို့အသင်းတွင် ပရီးမီးယားလိဂ်ပွဲကစားရန် ကစားသမားလုံလောက်ခြင်းမရှိကြောင်း တုံ့ပြန်ပြောကြားခဲ့သည်။

အာဆင်နယ်အသင်းတွင် COVID-19 ကူးစက်ခံရသူနှင့် ဒဏ်ရာရကစားသမား များပြားနေခြင်းကြောင့် ဇန်နဝါရီ (၁၆)ရက်က ကစားရန်စီစဉ်ထားသည့် စပါးနှင့်ပရီးမီးယားလိဂ်ပွဲစဉ်ကို ရွှေ့ဆိုင်းခဲ့ရသည်။

ယင်းအတွက် အာဆင်နယ်အသင်းကို ဝေဖန်မှုများရှိခဲ့ရာ အာတီတာက မိမိတို့အနေဖြင့် အသင်းကို ကာကွယ်ခြင်းသာဖြစ်ပြီး သူတစ်ပါးကို ထိခိုက်နစ်နာအောင် ပြုလုပ်ခြင်းမရှိကြောင်း တုံ့ပြန်ခဲ့ခြင်းဖြစ်သည်။