လာဇီယိုအသင်းနည်းပြ ဆာရီက သူနှင့် ဂျူဗင်တပ်စ်အသင်းကြား ဆက်ဆံရေးအကြောင်း ပြန်လည်ဖွင့်ဟပြောဆိုခဲ့သည်။
ဂျူဗင်တပ်စ်အသင်းသည် ဆာရီကို ၂၀၂၀ ခုနှစ် အတွင်း ရာထူးမှထုတ်ပယ်ခဲ့ပြီး ယင်းအချိန်က ဆာရီနှင့် ဂျူဗင်တပ်စ်အသင်းတာဝန်ရှိသူများအကြား ဆက်ဆံရေးတင်းမာခဲ့ကြောင်း သတင်းများ ထွက်ပေါ်ခဲ့သည်။
ယခုအခါ ဆာရီက ”တချို့အရာတွေက ဂျာနယ်လစ်တွေ ချဲ့ကားပြောဆိုနေတာပါ။ ဂျူဗင်တပ်စ်က လေ့ကျင့်ပေးလို့မရတဲ့ အသင်းဆိုတာကိုလည်း ကျွန်တော် လူသိရှင်ကြား မပြောခဲ့ပါဘူး။ ကျွန်တော်က ဂျူဗင်တပ်စ်နဲ့ ဆုဖလားအောင်မြင်မှု ပိုင်ဆိုင်ခဲ့ပြီး ဒါဟာ ကျွန်တော့်ရဲ့ နည်းပြဘဝသက်တမ်းမှာ သိပ်ပြီးအရေးပါခဲ့တယ်။ ဂျူဗင်တပ်စ်က ကျွန်တော့်ကို ယုံကြည်ပေမဲ့ သူတို့ရဲ့ တောင်းဆိုချက်မြင့်မားမှုဟာ ကိုရိုနာဗိုင်းရပ်စ်ကပ်ဘေးကာလအတွင်း ကျွန်တော့်အတွက် ခက်ခဲစေခဲ့တယ်” ဟု ပြောကြားခဲ့သည်။
