ဘယ်လ်ဂျီယံအသင်းခေါင်းဆောင် ဟာဇက်က ဂျာမန်ကစားသမားများအား ဘောလုံးအပေါ်တွင်သာ အာရုံစိုက်ထားရန် တိုက်တွန်းပြောကြားခဲ့သည်။
ဂျာမနီကစားသမားများသည် နိုဝင်ဘာ ၂၃ ရက်က ဂျပန်အား (၁-၂) ဂိုးဖြင့် ရှုံးနိမ့်သည့်ပွဲမစတင်မီ အသင်းလိုက်ဓာတ်ပုံရိုက်ရာတွင် ပါးစပ်ကို လက်ဖြင့်ပိတ်ကာ ဓာတ်ပုံ ရိုက်ခံခဲ့ကြသည်။
ဂျာမန်ကစားသမားများသည် ကမ္ဘာ့ဘောလုံးအဖွဲ့ချုပ် (FIFA) က LGBTQ+ များကို အားပေးသည့် One Love လက်ပတ်ကို ဝတ်ဆင်ပါက အရေးယူမည်ဟုခြိမ်းခြောက်ခဲ့ရာ ယင်းအချက်ကို ဆန္ဒပြသည့်အနေဖြင့် ယင်းကဲ့သို့ ပါးစပ်ကို လက်ဖြင့်ပိတ်ကာ ၎င်းတို့တွင် ထုတ်ဖော်ပြောဆိုခွင့် ဆုံးရှုံးနေကြောင်း ပြသခဲ့ခြင်းဖြစ်သည်။
ဂျာမနီအသင်းသည် ယင်းသို့ပြုလုပ်ပြီး နောက် ဂျပန်ကို (၁-၂) ဂိုးဖြင့် ရှုံးနိမ့်ခဲ့သောကြောင့် ပရိသတ်အချို့က ဘောလုံးသမားများ အနေဖြင့် နိုင်ငံရေးထက် ဘောလုံးကိုသာ အာရုံစိုက်ထားသင့်သည်ဟု ဝေဖန်မှုများရှိခဲ့သည်။ ယခုအခါ ဘယ်လ်ဂျီယံအသင်းခေါင်းဆောင် ဟာဇက်ကလည်း ဘောလုံးသမားများအနေဖြင့် ဘောလုံးအပေါ်သာ အာရုံစိုက်ထားသင့်သည်ဟု ပြောကြားခဲ့ခြင်းဖြစ်သည်။
ဟာဇက်က “ဂျာမနီကစားသမားတွေ အနေနဲ့ နိုင်ငံရေးနဲ့ဆက်နွှယ်တာတွေ လုပ်မယ့်အစား ပွဲကို အနိုင်ဖို့ပဲ ကြိုးစားသင့်ပါတယ်။ ကျွန်တော်တို့က ကာတာကို ဘောလုံးလာကစားတာပါ။ နိုင်ငံရေးမက်ဆေ့ချ်တွေပေးဖို့ မဟုတ်ပါဘူး။ နိုင်ငံရေးနဲ့ပတ်သက်ပြီး လုပ်နိုင်တဲ့သူတွေ အများကြီးရှိပါတယ်။ ကျွန်တော်တို့အနေနဲ့ ဘောလုံးအပေါ်ပဲ အာရုံစိုက်ထားသင့်ပါတယ်”ဟု ပြောကြားခဲ့သည်။
 ဂိုးဖြင့် ရှုံးနိမ့်သည့်ပွဲမစတင်မီ အသင်းလိုက်ဓာတ်ပုံရိုက်ရာတွင် ပါးစပ်ကို လက်ဖြင့်ပိတ်ကာ ဓာတ်ပုံ ရိုက်ခံခဲ့ကြသည်။){kind=link}