ပရီးမီးယားလိဂ် ထိပ်သီး မန်ချက်စတာ ယူနိုက်တက် အသင််းဟာ ဒီနေ့ နံနက်မှာတော့ ချန်ပီယံလိဂ် အုပ်စု ပွဲစဥ် 3 အဖြစ် အိုးလ် ထရပ်ဖို့ဒ် ကွင်းထဲ ကိုပင်ဟေဂင် အသင်းနဲ့ ရင်ဆိုင် ကစားခဲ့ရပြီး 1 – 0 ဆိုတဲ့ ရလဒ် နဲ့ အဖိုးတန် နိုင်ပွဲ ရယူသွားနိုင်ခဲ့ပါတယ် ။
ဒီပွဲမှာတော့ ယူနိုက်တက်တို့ အခွင့်အရေးများစွာကို ရယူနိုင်ခဲ့ပေမဲ့ ဂိုးပေါက် အရှေ့ အကောင်အထည် မဖော်နိုင်ခဲ့ကြပါဘူး ။ ဒါပေမဲ့ ပွဲချိန် 72 မိနစ်မှာ အဲရစ်ဆင်ရဲ့ ပေးပို့မှုကို မက်ဂွားယားက ဂိုးအဖြစ် ပြောင်းလဲနိုင်ခဲ့ပြီး ဒီရာသီိရဲ့ ပထမဆုံး ချန်ပီယံလိဂ် နိုင်ပွဲ ရယူပေးနိုင်ခဲ့ပါတယ် ။
ဒါ့အပြင် ပွဲချိန် နောက်ဆုံး မိနစ်မှာ စကော့ မက် တော်မီနေး ကြောင့် ပေးခဲ့ရတဲ့ ပင်နယ်တီ ကို အိုနားနား က ကာကွယ်ပြနိုင်ခဲ့ပြီး ဟီးရိုး ဖြစ်သွားနိုင်ခဲ့ပါတယ် ။ ယူနိုက်တက် အသင်းမှာ ဂျင်းကောင်တွေ အဖြစ် သတ်မှတ်ထားခံခဲ့ရတဲ့ မက်ဂွားယား နဲ့ အိုနားနား တို့ တောက်ပနိုင်ခဲ့ကြတဲ့ ပွဲစဥ်မှ rating ကို ဖော်ပြပေးလိုက်ပါတယ် ။
အိုနားနား (8)
ဘောလုံး ပေးပို့မှုတွေ ညံ့ခဲ့ပေမဲ့ အစောပိုင်း မိနစ်မှာ ဂိုးပေါက်် ကာကွယ်မှု လုပ်နိုင်ခဲ့ပြီး နောက်ဆုံး မိနစ်မှာ အဖိုးတန်် ပင်နယ်တီ ကာကွယ်မှုပါ လုပ်ဆောင်နိုင်ခဲ့ပါတယ် ။
ဒါးလော့ (6)
တိုက်စစ်ဆင် ကစားရာမှာ အကျိုးပြုပေးနိုင်စွမ်း နည််းပါးခဲ့ပေမဲ့ ခံစစ်မှာ စည်းကမ်းတကျ ကစားပေးနိုင်ခဲ့ပါတယ် ။
မက်ဂွားယား (8)
ပြိုင်ဖက်ကို အခွင့်အရေးပေးတာမျိုး ရှိခဲ့ပေမဲ့ တည်ငြိမ်တဲ့ ခံစစ် ကစားဟန်ကို ပြနိုင်ခဲ့တဲ့အပြင် အဖိုးတန် ခေါင်းတိုက်ဂိုးပါ သွင်းယူပေးနိုင်ခဲ့ပါတယ် ။
ဗာရန်း (6)
လှုပ်ရှားမှု နှေးကွေးနေခဲ့ပါတယ် ။ ဒါပေမဲ့ ပွဲစဥ်ထဲလိုက််ပါစီးမျောရင်း ဒုတိယပိုင်း ပိုကောင်းတဲ့ စွမ်းဆောင်ရည် ပြသသွားနိုင်ခဲ့ပါတယ် ။
ရီဂွီလွန် (6)
အသင်းအတွက် ပြန်လည် ကစားပေးနိုင်တဲ့ ပွဲစဥ်မျိုးမှာ အဆင်ပြေပြေ ကစားပေးနိုင်ခဲ့ပြီး ပေးပို့မှုတွေ ကောင်းခဲ့ပေမဲ့ တိုးတက်ဖို့ လိုအပ်နေပါသေးတယ် ။
အမရာဘတ် (4)
ပုံစံကောင်း ပြသဖို့ ရုန်းကန်ခဲ့ရပြီး တည်ငြိမ်မှု အားနည်းခဲ့ပါတယ် ။ ဒုတိယပိုင်းမှာ လူစားလဲခံခဲ့ရပါတယ် ။
တော်မီနေး (5)
တိုက်စစ်ဆင် ကစားပုံ ကောင်းခဲ့ပေမဲ့ မထူးကဲခဲ့ပါဘူး ။ အဲရစ်ဆင် ဝင်လာချိန် ပိုကောင်းခဲ့ပေမဲ့ နောက်ဆုံး မိနစ် ပင်နယ်တီ ပေးရအောင် အမှားကျူးလွန်ခဲ့ပါတယ် ။
အန်တိုနီ (4)
ဒီရာသီ 6 ကြိမ် ပွဲထွက်ခွင့် ရရှိထားခဲ့ပေမဲ့ တစ်ပွဲမှာ ပုံစံကောင်း မပြနိုင်ခဲ့သေးပါဘူး ။ ဒုတိယပိုင်းမှာ လူစားလဲခံခဲ့ရပါတယ် ။
ဘရူနို (5)
ဂါနာချို အတွက် အခွင့်အရေး ဖန်တီးပေးနိုင်ခဲ့ခြင်း ၊ ဂိုးပေါက််ခြိမ်းခြောက်ခြင်း လုပ်တာကလွဲရင် အကောင်းဆုံး ပုံစံ ပြသဖို့ ရုန်းကန်ခဲ့ရပါတယ် ။
ရပ်ရှ်ဖို့ (5)
ဟော့ဂျ်လန်း အတွက် အခွင့်အရေး ဖန်တီးပေးခဲ့ပါတယ် ။ အခွင့်အရေးကောင်းရခဲ့ပါတယ်။ ဒါပေမဲ့ ပုံစံကောင်းပြနိုင်ဖို့ ရုန်းကန်နေရဆဲပါပဲ ။
ဟော့ဂျ်လန်း (6)
ပုံမှန်အတိုင်း အကောင်းဆုံး ကြိုးစား ကစားပြနိုင်ခဲ့ပြန်ပါတယ် ။ အဲရစ်ဆင် အတွက် အခွင့်အရေး ဖန်တီးပေးခဲ့ပါတယ် ။ 3 ပွဲဆက် ဂိုးမသွင်းနိုင် ဖြစ်ခဲ့ရပါတယ် ။
လူစားဝင် ကစားသမားများ…
အဲရစ်ဆင် – 8
ဂါနာချို – 6
လင်ဒီလော့ဖ် – 6
မာရှယ် – 5
