အက်သလက်တီကိုအသင်းမှ ပြင်သစ်တိုက်စစ်မှူး ဂရီးဇ်မန်း၏ စာချုပ်လျော်ကြေးမှာ ယူရို(၂၅)သန်းသာရှိကြောင်း သိရသည်။
ဂရီးဇ်မန်း(၃၂ နှစ်)သည် အက်သလက်တီကိုအသင်းနှင့် ၂၀၂၆ ခုနှစ်အထိစာချုပ်ချုပ်ဆိုထားရာ၌ ယူရို(၂၅)သန်းဖြင့် ထွက်ခွာနိုင်မည့်အချက် ထည့်သွင်းထားခြင်းဖြစ်ကြောင်း သိရသည်။
ထို့ကြောင့် ပြီးခဲ့သည့်ရာသီတွင် ခြေစွမ်းပြခဲ့သည့် ၎င်းကို ခေါ်ယူလိုသည့်အသင်းများအနေဖြင့် ပြောင်းရွှေ့ကြေးသက်သာစွာဖြင့် ရရှိနိုင်မည်ဖြစ်ကြောင်း သိရသည်။
သို့သော် ဂရီးဇ်မန်းအနေဖြင့် အက်သလက်တီကိုအသင်း၌ တစ်ပတ်လစာ ပေါင်(၃)သိန်းကျော်ရရှိနေသည့်အချက်မှာမူ ခေါ်ယူလိုသည့်အသင်းများအတွက် ပြဿနာဖြစ်နိုင်ကြောင်း L’Equipe က သုံးသပ်ဖော်ပြခဲ့သည်။
ဂရီးဇ်မန်းသည် ပြီးခဲ့သည့်ရာသီက အက်သလက်တီကိုအသင်းအတွက် ပြိုင်ပွဲစုံ (၄၈) ပွဲတွင် (၁၆) ဂိုးသွင်းကာ ဂိုးဖန်တီးမှု (၁၉) ကြိမ် ပြုလုပ်နိုင်ခဲ့သည်။
လက်ရှိတွင် ၎င်းကို ခေါ်ယူရန် မန်ယူအသင်းအပါအဝင် ဥရောပထိပ်တန်းအသင်းအချို့က စိတ်ဝင်စားနေကြကြောင်း သိရှိရသည်။
