မန်ချက်စတာ ယူနိုက်တက် အသင်းဟာ အာဆင်နယ် အသင်းကနေ ထွက်ခွာတော့မယ့် လူငယ် တိုက်စစ်မှူး ချီဒို အိုဘီမာတင် ကို ခေါ်ယူဖို့ စိတ်ဝင်စားနေပြီး ဆွေးနွေး ပြောဆိုမှုတွေ ပြုလုပ်နေတယ်လို့ သတင်းတွေ ထွက်ပေါ် လာခဲ့ပါတယ် ။
အိုဘီမာတင် ဟာ ပြီးခဲ့တဲ့ ရာသီမှာ သူ့ရဲ့ အံ့ဖွယ် ဂိုးသွင်းနှုန်းကြောင့် မီဒီယာတွေကြားထဲ အတော်လေး သတင်းကြီးခဲ့တဲ့ လူငယ် ကြယ်ပွင့် တစ်ဦးပါ ။ အိုဘီမာတင် ဟာ လီဗာပူး ယူ၁၆ အသင်းကို ၁၄-၃ နဲ့ အနိုင်ရတဲ့ ပွဲမှာ တစ်ဦးတည်း ၁၀ ဂိုး အထိ သွင်းယူ ခဲ့တာ ဖြစ်ပါတယ် ။
ဒါ့အပြင် အိုဘီမာတင် ဟာ အာဆင်နယ် ယူ၁၈ အသင်းအတွက် မနှစ်က လိဂ် ပွဲ ၂၀ ကစားရာမှာ ၃၂ ဂိုး အထိ သွင်းယူ ပေးခဲ့သူ ဖြစ်ပါတယ် ။ အိုဘီမာတင် ဟာ အင်္ဂလန် အတွက်ရော အင်္ဂလန် အတွက်ပါ ကစားခွင့် ရှိနေသူ ဖြစ်ပြီး ဒိန်းမတ် လူငယ် အသင်း အတွက် ၁၄ ပွဲ ကစားရာမှာ ၁၀ ဂိုး အထိ သွင်းယူ ပေးထားပါတယ် ။
ဂန်းနားတို့ဟာ အိုဘီမာတင် ကို အသင်း မှာ ဆက်လက် ထိန်းသိမ်းထားဖို့ ကြိုးပမ်းနေတာ လပေါင်းများစွာ ကြာနေပြီ ဖြစ်ပေမယ့် အသက် ၁၇ နှစ်မှာ ပရော်ဖက်ရှင်နယ် စာချုပ်ချုပ်ဆိုဖို့ ကမ်းလှမ်း ထားပါတယ် ။ ဒါပေမဲ့ အိုဘီမာတင် ကတော့ အသင်းက ထွက်ခွာဖို့ ဆုံးဖြတ်ထားပြီး ခေါ်ယူချင် နေတဲ့ အသင်းတွေထဲမှာ ဘိုင်ယန်မြူးနစ် အသင်းက ထိပ်ဆုံးက ရေပန်းစားနေပါတယ် ။
နောက်ဆုံး ထွက်ပေါ်လာတဲ့သတင်းတွေအရ အိုဘီမာတင်ကို ခေါ်ယူချင်တဲ့ အသင်းတွေထဲမှာ မန်ယူနိုက်တက် လည်း ပါဝင်လာပြီး ကစားသမား ဟာ ဒီတစ်ပတ် အစောပိုင်းမှာ မန်ယူနိုက်တက် ရဲ့ လေ့ကျင့်ရေးကွင်း ကို လာရောက် လည်ပတ် ခဲ့ကာ အပြောင်းအရွှေ့အတွက် ဆွေးနွေး ပြောဆို ခဲ့တယ်လို့ သိရပါတယ် ။
