ဘာစီလိုနာအသင်းသည် ဆီဗီလာအသင်းမှ ပြင်သစ်နောက်ခံလူ ခွန်ဒဲကို ခေါ်ယူပြီးနောက် အသင်းကွင်းလယ်ကစားသမား ဖရန်ကီဒီယွန်းကို ရောင်းထုတ်ရန် သေချာသွားခဲ့ပြီဟု မီဒီယာများက သုံးသပ်ဖော်ပြနေကြသည်။
ဘာစီလိုနာအသင်းသည် အသက် (၂၃) နှစ်အရွယ်ရှိ ပြင်သစ်နောက်ခံလူ ခွန်ဒဲကို ယူရိုသန်း (၅၀) ဖြင့် ခေါ်ယူကာ ၂၀၂၇ ခုနှစ်အထိ စာချုပ်တစ်ရပ် ချုပ်ဆိုခဲ့ကြောင်း ဇူလိုင် (၂၈) ရက်တွင် ကြေညာခဲ့သည်။
ဘာစီလိုနာအသင်းသည် ဘဏ္ဍာရေးပြဿနာများနှင့် ရင်ဆိုင်နေရသည့် အသင်းတစ်သင်းဖြစ်သော်လည်း ယခုနွေရာသီတွင် ကစားသမားသစ်ခေါ်ယူမှုအတွက် ယူရိုသန်း (၁၆၀)ဝန်းကျင် အသုံးပြုထားပြီဖြစ်သည်။
ထို့ကြောင့် ဘာစီလိုနာအသင်းအနေဖြင့် ယခုနွေရာသီတွင် အသင်းကွင်းလယ်ကစားသမား ဒီယွန်းကို ရောင်းထုတ်ရန် ပိုမိုသေချာသွားခဲ့ပြီ ဖြစ်ကြောင်းလည်း စပိန်မီဒီယာများက သုံးသပ်ဖော်ပြခဲ့ကြသည်။
လက်ရှိတွင် ဖရန်ကီဒီယွန်းအား ခေါ်ယူရန် မန်ယူအသင်းက ပေါင် (၆၈) သန်းဖြင့် ကမ်းလှမ်းထားပြီး ဘာစီလိုနာအသင်းနှင့် ပြောင်းရွှေ့ကြေး သဘောတူညီမှု ရရှိပြီဖြစ်သော်လည်း ကစားသမားကမူ မန်ယူအသင်းသို့ ပြောင်းရွှေ့လိုခြင်း မရှိကြောင်း သိရသည်။
ဖရန်ကီဒီယွန်းသည် ဘာစီလိုနာအသင်းတွင် ဆက်လက်ကစားလိုနေပြီး မဖြစ်မနေ အသင်းပြောင်းရမည်ဆိုပါကလည်း ချယ်လ်ဆီးအသင်းသို့သာ ပြောင်းရွှေ့လိုနေကြောင်း သိရှိရသည်။
