အင်တာမီလန်အသင်းသည် ချယ်လ် ဆီးနောက်ခံလူ ချာလိုဘာအား ခေါ်ယူရန် ကြိုးပမ်းနေကြောင်း သိရှိရသည်။
အသက် ၂၃ နှစ်အရွယ်ရှိ အင်္ဂလန်နောက်ခံလူ ချာ လိုဘာသည် ချယ်လ်ဆီးအသင်းနှင့် ၂၀၂၈ ခုနှစ်အထိ စာချုပ်သက်တမ်းရှိနေသူဖြစ်သည်။
ထို့ပြင် ချာလိုဘာက ၎င်းအနေဖြင့် ချယ်လ်ဆီးအသင်းတွင်သာ ဆက်နေလိုပြီး နည်းပြသစ် ပိုချက်တီနို၏လက်ထက်တွင် ပုံမှန်ပွဲထွက်ခွင့်ရရန်အတွက် တိုက်ပွဲဝင်သွားမည်ဟု ပြောကြားထားသည်။
သို့သော် ချယ်လ်ဆီးအသင်းသည် ချာလိုဘာအား ယခုနွေရာသီတွင် ရောင်းထုတ်မည့်စာရင်းတွင် ထည့်သွင်းထားပြီး ၎င်းင်းအတွက် ပေါင် ၂၅ သန်း အလိုရှိနေကြောင်း သိရှိရသည်။
ထို့ကြောင့် အင်တာမီလန်အသင်းသည် ချာလို ဘာအား ခေါ်ယူရန် ကြိုးပမ်းလာခြင်းဖြစ်သည်။
အင်တာမီလန်အသင်း၏နောက်တန်းတွင် ဒါမီယန်(၃၃ နှစ်)နှင့် အက်ခါဘီ(၃၅ နှစ်)တို့မှာ အသက်ရလာဖြစ်သဖြင့် ၎င်းတို့နေရာ အစားထိုးရန် ချာလိုဘာအား ခေါ်ယူလိုနေခြင်းဖြစ်သည်။
