ဘိုင်ယန်မြူးနစ်အသင်းသည် ချယ်လ်ဆီးအသင်းမှ ဂျာမန်တိုက်စစ်ကစားသမား ဟာဗက်ဇ်ကို လာမည့်နွေရာသီတွင် ခေါ်ယူရန် စီစဉ်ထားကြောင်း သိရသည်။
ဘိုင်ယန်မြူးနစ်အသင်းသည် ပြီးခဲ့သည့် နွေရာသီအပြောင်းအရွှေ့ကာ လအတွင်း ကစားသမားအပြောင်းအလဲများစွာ ပြုလုပ်ခဲ့သလို၊ ယခု ဇန်နဝါရီအပြောင်းအရွှေ့ကာလတွင်လည်း အေဂျက်စ်နောက်ခံလူ ဘလင်းနှင့် မိုချန်ဂလာဘတ်ဂိုးသမား ဆွန်းမားတို့ကို ခေါ်ယူခဲ့သည်။
သို့သော် ဇန်နဝါရီအပြောင်း အရွှေ့ကာလလှုပ်ရှားမှုကို အဆိုပါကစားသမားနှစ်ဦးဖြင့်သာ အဆုံးသတ်လိုက်ပြီဖြစ်ပြီး ဟာဗက်ဇ်ကို လာမည့်နွေရာသီမှ ကမ်းလှမ်းသွားမည်ဟု ဂျာမန်အခြေစိုက် Sky Sports ရုပ်သံက အတည်ပြုခဲ့သည်။
ဟာဗက်ဇ်သည် ၂၀၁၉ ခုနှစ်တွင် လေဗာကူဆင်မှ ချယ်လ်ဆီးသို့ ယူရိုသန်း (၈၀)ဖြင့် ပြောင်းရွှေ့ခဲ့သူဖြစ်ပြီး ဘိုင်ယန်မြူးနစ်အသင်းက ယူရိုသန်း(၆၀)ဖြင့် ကမ်းလှမ်းရန် စီစဉ်နေခြင်းဖြစ်သည်။
