ချယ်လ်ဆီးသို့ ပြောင်းရွှေ့မည့် အန်ကွန်ကူကို တီမိုဗာနာ သတိပေး

လိုက်ပ်ဇစ်အသင်း၏ တိုက်စစ်မှူး တီမိုဗာနာက ချယ်လ်ဆီးအသင်းထံ ပြောင်းရွှေ့မည့် အသင်းဖော် အန်ကွန်ကူကို စိတ်ပိုင်းဆိုင်ရာ ဖိအားများစွာနှင့် ရင်ဆိုင်ရမည်ဖြစ်ကြောင်း သတိပေးပြောကြားခဲ့သည်ဟု သိရသည်။ 

ဂျာမန်တိုက်စစ်မှူး တီမိုဗာနာသည် ချယ်လ်ဆီးတွင် ခြေစွမ်းမပြနိုင်သောကြောင့် လိုက်ပ်ဇစ်အသင်းထံ ပြန်လည်ရောင်းထုတ်ခံခဲ့ရသူဖြစ်သည်။ 

လိုက်ပ်ဇစ်အသင်းမှ ပြင်သစ်တိုက်စစ်မှူး အန်ကွန်ကူမှာ လာမည့်နွေရာသီတွင် ချယ်လ်ဆီးသို့ ပြောင်းရွှေ့ရန် သဘောတူညီမှုရရှိထားသူ ဖြစ်သည်။ 

တီမိုဗာနာက အန်ကွန်ကူအနေဖြင့် လိုက်ပ်ဇစ်ထက် ပြိုင်ဆိုင်မှုပိုပြင်းထန်သော၊ ဖိအားပိုများသော အခြေအနေကို ရင်ဆိုင်ရမည်ဟု သတိပေးခဲ့ခြင်းဖြစ်သည်။