လန်ဒန်ကလပ်စပါးအသင်းသည် ယခုရာသီကုန်တွင် ချန်ပီယံလိဂ်ဝင်ခွင့်မရခဲ့ပါက နည်းပြဖြစ်သူ မော်ရင်ဟိုကိုထုတ်ပယ်ခြင်းအတွက် လျော်ကြေးငွေများစွာ လျော့ကျစေနိုင်ကြောင်း ဗြိတိန်သတင်းစာများက ဖော်ပြခဲ့ကြသည်။
အစောပိုင်းက ဖော်ပြခဲ့သော သတင်းများတွင် စပါးအသင်းအနေဖြင့် စာချုပ်သက်တမ်း (၂)နှစ်ကျန်ရှိနေသေးသူ မော်ရင်ဟိုအား လာမည့်နွေ ရာသီတွင် ရာထူးမှထုတ်ပယ်ခဲ့ပါက လျော်ကြေး ပေါင်သန်း(၃၀)အထိ ပေးချေရမည်ဖြစ်ကြောင်း ဖော်ပြခဲ့သည်။
သို့သော် စပါးအသင်းနှင့် မော်ရင်ဟို ချုပ်ဆိုထားသော စာချုပ်တွင် သူ့အားရာထူးမှထုတ်ပယ်ခဲ့ပါက အသင်းအောင်မြင်မှုအပေါ် အခြေခံသည့် အချက်ထည့်သွင်းထားကြောင်း သိရသည်။
ယင်းအချက်အရ စပါးအသင်းအနေဖြင့် မျှော်မှန်းထားသည့်အောင် မြင်မှုမရခဲ့ပါက မော်ရင်ဟို၏လျော်ကြေးငွေကို များစွာလျှော့ချနိုင်ကြောင်း သိရသည်။
Daily Mail သတင်းစာတွင်ဖော်ပြခဲ့သည့် သတင်းအရ စပါးအသင်းဥက္ကဋ္ဌ လီဗီအနေဖြင့် မော်ရင်ဟိုအားထုတ်ပယ်မှုအတွက် လျော်ကြေးပေါင်သန်း(၂၀)ပင် မကုန်ကျဘဲ ထုတ်ပယ်နိုင်ကြောင်း သိရှိရသည်။
