ချန်ပီယံလိဂ်ဗိုလ်လုပွဲတွင် အသင်းဟောင်း နာပိုလီနှင့် တွေ့ဆုံလိုကြောင်း ချယ်လ်ဆီးနောက်ခံလူ ကူလီဘလီ ဆို

ချယ်လ်ဆီးနောက်ခံလူ ကူလီဘလီက ယခုရာသီ ချန်ပီယံလိဂ်ဗိုလ်လုပွဲတွင် အသင်းဟောင်း နာပိုလီနှင့် တွေ့ဆုံလိုကြောင်း ပြောကြားခဲ့သည်။

ဆီနီဂေါလက်ရွေးစင်နောက်ခံလူ ကူလီဘလီသည် နာပိုလီအသင်းတွင် ၂၀၁၄ ခုနှစ်မှ ၂၀၂၂ ခုနှစ်အထိ ကစားခဲ့ပြီး ပြီးခဲ့သည့်နွေကမှ ချယ်လ်ဆီးအသင်းသို့ပြောင်းရွှေ့ခဲ့သူဖြစ်သည်။

ချယ်လ်ဆီးအသင်း ချန်ပီယံလိဂ်ကွာတားဖိုင်နယ်တက်ရောက်ပြီးနောက် ကူလီဘလီက ”နာပိုလီနဲ့ ဖြစ်နိုင်သမျှ နောက်ဆုံးမှ တွေ့ချင်ပါတယ်။ ဖြစ်နိုင်ရင်တော့ အစ္စတန်ဘူလ်(ချန်ပီယံလိဂ်ဗိုလ်လုပွဲ ကျင်းပမည့်မြို့) မှာပဲ သူတို့နဲ့ တွေ့ချင်ပါတယ်”ဟု ပြောကြားခဲ့သည်။